بِسْمِ اللهِ الرَّحْمنِ الرَّحِيمِ

Қирғизистон хукумати ўз ҳалқини алдашда давом этмоқда

      ОАВ (Оммавий ахборот восита)ларида  жорий йилнинг 11 октябр тунида Қирғизистоннинг Қуйи Наврўз (Нижний Нооруз) қишлоғида жойлашган №50 сонли ахлоқ тузатиш муассасидан тўққиз нафар махкум ва маҳбусларнинг қочганлиги ҳақида маълумот пайдо бўлди. Қочоқларнинг етти нафари умрбод қамоқ жазосига хукм қилинган бўлиб, қолган икки нафари устида тергов ишлари олиб борилаётган эди. Қочоқлар уч нафар муассаса ходимини ўлдиришган, яна бир муассаса ходими оғир аҳволда. Бир неча соатдан сўнг қочоқларнинг беш нафари қўлга олинган ва тергов хибсхонасида ўлган, қолганлари қочиб яширинишга муваффақ бўлган, аммо кейинроқ яширинганлардан уч нафари ИИВ ходимларининг махсус амалиётлари мобайнида ўлдирилган, бир нафар қочоқни оёғидан жароҳатлаб тирик қўлга олишга мувоффақ бўлганлар. Маълумотларга қараганда, қочоқлар Қирғизистонда тақиқланган “Жайшул Маҳди” экстремистик гурухининг фаол аъзолари бўлганлар.

     Тезкор тартиб бош бшқармасининг бошлиғи Саламат Абдиев матбуот конференциясида, ҳибсдагилар №50 сонли жазони ўташ муассасасида чироқ ўчиб қолганлигидан фойдаланиб қочганлар.

    Шуни алоҳида таъкидлаш лозимки, №50 сонли тергов хибсхонаси оғир жиноятларни содир этган жиноятчилар ва уюшган жиноий гурух аъзолари ушлаб туриладиган махсус колония хисобланади. Ўз вақтида Жазони ижро этиш давлат хизмати раҳбарияти бу муассаса хусусида мақтаниб, бу муассаса ёпиқ муассаса бўлиб, энг охирги замонавий ускуналар, яъни уяли алоқа воситаларидан фойдаланишни чекловчи ускуналар билан жиҳозланганини ва юқори даражадаги ҳавфсизлик чоралари кўрилганини, гўёки бу ердан қочиш имконияти йўқлигини маълум қилгандилар. Аммо тўққиз нафар маҳкум ва маҳбусларнинг қочишларига тергов хибсхонасининг учта камерасидан, ҳар қадамда  махсус панжарали эшиклар билан жиҳозланган йўлаклар ва тиканли сим тортилган баланд деворлар қандайдир сабабларга кўра тўсқинлик қилолмаган. Ёки уларга кимдур ёрдам берганмикан?   

    2010 йили “Эл сўзи” газетасининг саҳифаларида муваққат хукумат аппарати бошлиғи Эмил Каптагаев томонидан 2010 йил 30 июнида имзоланган, 13 нафар одамдан иборат гурух рўйхати кўрсатилган махсус бланкани акс эттирган хужжат тақдим қилинди. Бу гурух хукумат номидан “ оммавий тартибсизликлар натижасида жабр кўрган Ош шаҳри аҳолисига инсонпарварлик ёрдами кўрсатиш, шунингдек Ош ва Жалолобод вилоятлари жамоатчилги ўртасида алоқаларни тиклаш” учун жанубга жўнатилган. Гурух раҳбари – ҳуқуқ фаоли Токтайым Уметалиева бўлган. Бу рўйхат таркибида Эдил Абдурахманов ҳам бўлган. Бу одам – махсус  амалиёт давомида оёғидан жароҳатланиб тириклайин қўлга олиниб ва №47 сонли ахлоқ тузатиш колониясида сақланаётган қочоқнинг айнан ўзидир.

     Эдил Абдурахманов 2011 йилда Бишкекдаги спорт Саройи олдида ва пойтаҳтнинг бир неча жойларида қўпорувчилик акциялари уюштиришда гумонланиб умрбод қамоқ жазосига хукм қилинган эди. Газетанинг маълум қилишича, юқоридаги рўйхатдаги яна олти нафар одам қўпорувчиликни амалга оширишга тайёргарлик кўришга уринганликда гумон қилиниб тергов ҳибсхонасида сақланган.

    Юқоридаги хужжатда келтирилган гурух раҳбари, ҳуқуқ фаоли Токтайым Уметалиева ушбу хужжатни изоҳлар экан, у билан бирга ишлаган йигитлар террочи эмаслигини, Миллий ҳавфсизлик давлат қўмитаси эса пул ундириш мақсадида терроризм ва экстремизм ҳақида ваҳима тарқатаётганини таъкидлаган.

     12.10.2015 йил куни 24.kg сайтининг ёзишича “ Джаны – Джер қишлоғида (АК№19) умрбод қамоқ жазосига хукм қилинганлар учун қамоқхона қурилмоқда, лекин қурилиш нихоясига етмаган. Айнан икки кундан кейин қурилиш объектини бош вазир Темир Сариев бориб кўриши режалаштирилган. Қурилиш ишлари 2007 йилда бошланган ва бугунги кунда биринчи блокни 50 фози қуриб битирилган бўлиб, иккинчи блокни тиклаш ишлари хали бошланмаган”.

      Шунингдек яна бир қизиқ далилга тўхталиб ўтсак, яъни 2011 йилнинг феврал ойида террорчиликда айбланаётганларнинг қариндошлари ўша вақтдаги вақтинча президентлик вазифасини бажараётган Роза Отунбоевага ва бош вазир Алмазбек Атамбаевга очиқ хат билан мурожаат қилганлар. Ушбу мурожаатномадаги қуйидаги жумлаларга эътибор берсак: “Ўтган парламент сайловлари арафасида СДПК, “Ата Мекен” каби сиёсий партиялар аъзолари ва тарафдорлари бўлган фарзандларимиз қатори биз ота оналар ва фарзандларимизнинг турмуш ўртоқлари сайловолди чақирувларда ва овоз беришларда сизларга яқиндан ёрдам бердик ва қўллаб қувватладик. Лекин, пировард натижада эса фарзандларимиз террорчиларга айланди. Агар фарзандларимиз террорчи бўлсалар нима сабабдан сизнинг партияларингиз улар билан бирга иш олиб бордилар?”. Менимча ўринли савол.

    Агар ҳодисаларни ўрганиб чиқсак бир неча саволлар келиб чиқади: Нима сабабдан ҳибсхонадан бошқа маҳбуслар эмас айнан террорчиликда айбланганганлар қочди? Нима учун давлат аппарати бошлиғи ҳужжатидаги рўйхатда келтирилганлар “ўта ҳавфли” махбуслар қаторида бўлиб қолди? Нима учун айнан шу куни ҳибсхонада чироқ ўчган?  Балки уларга қочишда муассаса ходимларининг ўзи ёрдам бергандирлар?

    Яна бир савол туғилади, нима сабабдан бош вазир Темур Сариев қурилиши тугалланмаган обьектни бориб кўриши керак эди? Нима сабабдан бу қурилиши 2007 – йилдан буён чўзилиб келмоқда? Бундан шундай хулоса қилиш мумкинки, бу қурилиш обьекти учун ажратилган маблағлар изсиз йўқолган ва бугунги кунга келиб қурилиш обьектини тугатиш учун маблағ етишмаяпти. Шунинг учун Темур Сариев қурилиш обьектини битиришга зарур бўлган маблағни топиш мақсадида мазкур обьектни ўз кўзлари билан кўриб ишонч хосил қилмоқчи бўлган.

    Қирғизистон ҳукумати ўзининг Россияга бўлган мойиллиги билан ва сиёсий бошқарув ишларида Кремл кўрсатмаларига мувофиқ олиб бориши ҳаммамизга маълум. Бу хоҳ иқтисодий, хоҳ таълим, ёки хоҳ хавфсизлик (терроризмга қарши кураш) масалаларида бўладими фарқи йўқ. Қирғизистон ҳукумати ўз халқининг муаммолари ортидан шахсий манфаати учун бойлик орттиришга одатланган. “Ислом хавфи”ни баҳона қилиб, давлат бюджетидан маблағларни ўзлаштирилмоқда. Бу ишлари билан, яъни Исломга қарши курашиш, ўз халқининг асл фарзандларини қамоқларга ташлаш, муслима опа-сингилларимизга давлат муассасаларида ҳижобли юришни тақиқлаш кабилар орқали ҳукумат Кремлга хизмат қилмоқда.

    Бундан келиб чиқадики, ҳукумат юртда қандайдир хавф борлиги билан халқни қўрқитмоқчи. Шундай йўл билан Қирғизистон сиёсати Америка ва Россия каби мустамлакачиларга хизмат кўрсатмоқда. Ва Россиянинг Қирғизистондаги қадамларини мустаҳкамламоқда. Шу сабабли ҳукумат мазкур қочоқ “террорчилар”ни қочишига имконият яратиб бериб, ушбу қочоқларни айнан экстремизм ва терроризм билан айбланганлардан ташкил топган бўлишини таъминлади. Бундан аён бўладики, қочоқларга муассасадан қандай қочиш йўлларини ўргатиб, тушунтирган ва бу ишга яхшилаб тайёрлаган қандайдир яширин кучлар бор. Акс ҳолда бундай махсус қўриқланадиган муассасадан тўққиз киши қочиб кета олмас эди.

    Қирғизистон ҳукумати анча вақтдан буён терроризмга қарши кураш ва шунга ўхшаш Исломга қарши ҳаракатларини молиялаштириш учун, чет эл ташкилотларини жалб қилиб келмоқда. Аслини олганда Қирғизистонда ҳеч қандай хавф йўқ, фақат 6 миллионлик Қирғизистон халқи даҳрий коммунизм ва жирканч демократия билан заҳарлангандан сўнг, ўз динига, Исломга қайтмоқда. Ва ниҳоят халқ Исломни ўзининг ҳаёт тарзини бошқарувчи дин сифатида тушуниб, унга амал қила бошлади ва Ислом қадриятларини ўз қадриятлари деб билиб, ҳтто юз минглаган мусулмонлар Хайит байрамлари намозларини кўчаларда тўпланишиб адо қилмоқдалар. Бу ҳолат ўз юртида ва яқин шарқда мусулмонларни ўлдираётган ҳукумат хўжайинларини қаттиқ ташвишга солмоқда. Шу сабабли Қирғизистон ҳукумати хўжайинларига яхши кўриниш мақсадида қандай қилиб бўлса ҳам, Исломга қарши курашмоқда, ўз халқига эса Исломни таҳдид қилаётгандек кўрсатишга уринмоқда.

    Бугун ҳукумат халқни алдашга уринмоқда, лекни бу доим давом этиб тура олмайди. Эртами кечми, бу рўйҳатни ва бўлажак террористлар бу рўйҳатга қандай тушиб қолганлигини изоҳлаб беришга мажбур бўладилар. Халқ ҳукуматдан барча қилган ишлари учун ҳисобот талаб қилади. Ва шундай вақт келадики, улар қилмишларига яраша жазо оладилар. Аллоҳ айтади:

وَقُلْ جَاء الْحَقُّ وَزَهَقَ الْبَاطِلُ إِنَّ الْبَاطِلَ كَانَ زَهُوقاً

 Яна айтинг: “Ҳақ (яъни, Ислом) келди ва ботил (яъни, куфр) йўқ бўлди. Чунки ботил йўқ бўлгувчидир”.                                                                         (Исро. 81)

Эй Қирғизистон халқи! Ҳукуматнинг алдовларига учманг! Сизлар мусулмонсизлар ва авлодаларингиз ҳам мусулмон бўлган, шундай экан “Мен мусулмонман” деган аждодларингизга муносиб фарзад бўлинг. Ҳукуматингиз сизларни боши берк йўлга етакламоқда. Лекин сизни Исломга чақираётганлар эса, сизларга уйғониш ва юксалиш йўлини кўрсатмоқда. Исломни ўз ҳаётингизга асос қилиб олинг ва шундагина у сизларни зулматдан нурга олиб чиқади. Аллоҳ Таъоло айтади:

أَفَحُكْمَ الْجَاهِلِيَّةِ يَبْغُونَ وَمَنْ أَحْسَنُ مِنَ اللّهِ حُكْماً لِّقَوْمٍ يُوقِنُونَ

“Жоҳилият хукмини истайдиларми?! Иймон келтирганлар учун хукм қилишда Аллоҳдан гўзалроқ хукм қиладиган ким бор?!”                                 (Моида. 50)

Ҳизб ут-Таҳрир Марказий Медиа офиси аъзоси Ислом Абу Халил

26.10.2015

0

0