بِسْمِ اللهِ الرَّحْمٰنِ الرَّحِيم

ИСЛОМИЙ ДАЪВАТНИ ЁЙИШ

ВАЗИФАЛАР ВА СИФАТЛАР

(36-бўлак)

(Ҳақиқатни ушлаган гуруҳ мавзусининг охири)

Маълумки, бир ёки бир неча шахс у ер бу ерда тарқоқ ҳолда бўлсалар, жамиятдаги бузуқ фикрларни ислоҳ қила олмайдилар. Қачонки бундай оғир ва муҳим вазифани бажарадиганлар тоифа ёки ҳизб бўлсаларгина бу ишни уддасидан чиқадилар. Демак, мусулмон кишида мазкур тўрт ҳадисда келган сифат топилиши учун жамиятдаги бузуқ фикр ва қонунларни ислоҳ қилишга киришадиган тоифа ёки ҳизб доирасида бўлмоғи лозим. Чунки унинг ҳеч қачон тоифа ёки ҳизбсиз бу ишни қила олмаслиги аниқ. Шундай экан, мана бу ҳадисларда келган мақтов бузуқ жамиятни ислоҳ қилишга бош-қош бўлаётган мусулмонларга қаратилгандир.

Бинобарин, ҳадислар динни ушловчи, Аллоҳнинг амрини бажарувчи ва кофирларга уруш қиладиган давлатни барпо қилувчи тоифа ёки гуруҳни тилга олиб ўтди. Демак, Муҳаммад с.а.в.нинг одамлар бузиб юборган суннатини, яъни шариатни, динни ислоҳ қиладиган «ғариблар» сифати ҳозирги жамиятда, аъзолари ҳақиқатда ғариб бўлган айни шу тоифа ёки ҳизб аъзоларига берилиши лозим. Шунга кўра, бахту-саодатли ғариблар биз тилга олган ва бир неча ҳадисларда зикр қилинган тоифа ёки ҳизб аъзоларидир.

Фазлу карам Аллоҳнинг қўлидадир, уни хоҳлаган бандасига тортиқ қилади. Аллоҳ Ўз фазли карами билан икром қилган мусулмон киши Унга ҳамду-сано айтиши, шукур қилиши, Унга кўп ибодатлар қилиши ҳамда яхшиликка бўлган даъватида янада фаолият кўрсатиши вожиб. Даъватни етказишда, қийинчиликларга сабр қилишда Расулуллоҳ с.а.в. дан ибрат олиш нақадар буюк ва афзал ишдир. Чунки Ислом даъват етказиш орқали ғарибликдан сўнг яна ҳаётга қайтади, уммат юксалади, даъватни етказиш билан бузуқ фикр ва қонунлардан, мусулмонларга мажбуран татбиқ қилинаётган бузуқ қонунлардан халос бўлинади. Даъватни Расулуллоҳ с.а.в. етказгандек етказиш билан Аҳмад Ҳузайфа томонидан ривоят қилган ҳадиснинг тасдиқи ўлароқ Ислом Давлати – тўғри Халифалик давлати барпо бўлади. Расулуллоҳ с.а.в. дедилар: «Нубувват сизлар орангизда Аллоҳ хоҳлаган муддатгача бўлади, сўнг Аллоҳ уни хоҳлаган вақтда кўтаради (яъни у тугайди). Сўнг нубувват асосидаги Халифалик бўлади. У ҳам Аллоҳ хоҳлаган вақтгача туради. Сўнг Аллоҳ хоҳлаган вақтда уни ҳам кўтаради. Сўнг ёвуз подшоҳлик бўлади, у ҳам Аллоҳ хоҳлаган муддатгача туради, сўнг Аллоҳ хоҳлаган вақтда уни кўтаради. Сўнг зўравон подшоҳлик бўлади, у ҳам Аллоҳ хоҳлаган вақтгача туради. Аллоҳ хоҳлаган вақтда уни ҳам кўтаради. Сўнг эса, нубувват асосидаги Халифалик бўлади». Сўнг сукут сақладилар.

Тўғри Халифаликни – нубувват асосидаги Халифаликни қайтаришга ҳаракат қилаётган кимсалар Расулуллоҳ с.а.в. нинг буюк мақтовларига лойиқдир. Бироқ Расулуллоҳ с.а.в. дек буюк зотнинг мақтовига лойиқ бўлиш учун мустаҳкам иймон, холис ихлос, қувват ва қасд ҳамда сабр-бардош лозим. Ҳақ Таоло Ўзига ҳожа, мустақил Зотдир.

Ҳизб ут-Таҳрирнинг Ўзбекистондаги медиа офиси