Ҳизб ут-Таҳрир аъзолари сафида ёппа қамоққа олишлар…
بِسْمِ اللهِ الرَّحْمٰنِ الرَّحِيمِ
Матбуот баёноти
Ҳизб ут-Таҳрир аъзолари сафида ёппа қамоққа олишлар…
Улар Туниснинг Халқаро Валюта Фондига сотиб юборилишига қарши чиққанлари учунгина қамоққа олиндилар!
Кеча, 2022 йил 11 ноябр жума куни бир гуруҳ пойтахт хавфсизлик хизмати ходимлари Ҳизб ут-Таҳрир аъзоларидан ўн нафарини Фатҳ масжиди олдида маъруза тадбири чоғида қамоққа олди. Улар маърузада одамларга президент томонидан Тунисни Халқаро Валюта Фондига сотиш сиёсати олиб борилаётганига қарши Ҳизб позициясини ёритиб бераётган эдилар. Шунинг учун бу қамоққа олиш у ерда тўпланган оддий инсонлар орасида кучли ғазабни пайдо қилди. Оқибатда хавфсизлик хизмати Ҳизб аъзоларининг ҳар бирига 2022 йил 17 ноябрда хавфсизлик идорасига келиш тўғрисида чақирув қоғозини бергандан сўнг қўйиб юборди.
Биз Ҳизб ут-Таҳрир – Тунис вилояти матбуот бўлими аъзолари режимни Ҳизб аъзоларини қамоққа олишда давом этишдан огоҳлантирамиз. Қудратга келган пайтда Тунис аҳлига ажнабий доираларга малайлик қилиш сиёсати тўхтатилади, дея ваъда берган президент Қайс Саидга қуйидагиларни эслатамиз: Йигитларимизни қамоққа олиш уят эмасми, ахир, улар Умматнинг кўрувчи кўзлари-ку, шунингдек, куч-қудратга эришиш йўли юртимизни талаб тўймаётган мустамлакачилар сиёсатига эргашиш билан бўлмаслигини ҳукуматга насиҳат қилмоқдалар-ку?!
Умматнинг хавфсизлик хизматидаги фарзандларига ушбуларни эслатамиз: Ҳизб ут-Таҳрир аъзоларини ҳибсга олишга қандай журъат қилдингиз, ахир, улар сизга душманингиз қилаётган макр-ҳийлаларни кўрсатиб бераётган бўлсалар?! Шунингдек, душманнинг фарзандларингиз нонини тортиб олиб, на бурчга ва на аҳдга боқаётганини очиб бераётган бўлсалар, сизга ўзининг холис қўлини узатиб, Халқаро Валюта Фонди қўйган «молиявий комиссия» тузоғидан қутқараётган бўлсалар?!
Биз Аллоҳга ҳамд айтамизки, сафлар ажралиб-сараланди, режимнинг барча айблари фош бўлди. Аллоҳ Таоло бундай дейди:
﴿مَا كَانَ اللَّهُ لِيَذَرَ الْمُؤْمِنِينَ عَلَى مَا أَنْتُمْ عَلَيْهِ حَتَّى يَمِيزَ الْخَبِيثَ مِنَ الطَّيِّبِ﴾
«Аллоҳ мўминларни сизлар бўлган мана шу ҳолатда ҳаргиз ташлаб қўймайди, ҳали У нопокни покдан ажратади» [Оли Имрон 179]
Аллоҳга беадад шукрки, биз мустамлакачи ва унинг юртимиздаги гумашталарига қарши сафдамиз.
Бу қамоққа олишлар ва тадбир-чоралардан мақсад Ҳизб ут-Таҳрирни халқдан яккалаб қўйиш ва юртни Халқаро Валюта Фонди ва унинг бўлимларига гаров ва қул қилиб бераётган сиёсатни фош этувчи овозларининг халққа етиб боришидан тўсишдир. Бироқ, бу уринишларнинг барчаси Тунисни Ғарб ва унинг маҳаллий қўғирчоқлари ҳукмронлигидан қутқариш ҳамда Ислом асосидаги рошид бошқарув барпо этишдек мақсадимизни янада қатъийлаштиради, холос.
Ҳизб ут-Таҳрирнинг Тунисдаги матбуот бўлими
