Матбуот баёноти

Ҳизб ут-Таҳрир делегацияси Порт-Судан шаҳри адвокатлар ассоциацияси бошқарув қўмитаси раиси билан учрашди

Ҳизб ут-Таҳрирнинг Судан вилояти марказий алоқалар қўмитаси раиси устоз Носир Ризо раислигидаги ҳамда Ҳизб ут-Таҳрир аъзоси устоз Абдуллоҳ Исмоил ҳамроҳлигидаги делегацияси адвокатлар ассоциацияси бошқарув қўмитаси раиси устоз Муҳаммад Аҳмад Савқийни зиёрат қилди. Ушбу ассоциациянинг Порт-Судандаги офисида ҳижрий 1446 йил 27 робиуссоний, милодий 2024 йил 30 октябр чоршанба куни бўлиб ўтган учрашувда биринчи устоз Носир Ризо Ҳизб ут-Таҳрир билан қуйидагича таништирди: у сиёсий партия бўлиб, Пайғамбарлик минҳожи асосидаги иккинчи рошид Халифаликни барпо этиш орқали исломий ҳаётни қайта бошлашга ҳаракат қилади. Воқеа-ҳодисаларга нисбатан шаръий қарашини нашрлар ва баёнотлар орқали билдиради. Ҳизб, шунингдек, барча инсонлар, хусусан, сиёсатчилар, олимлар, мутафаккирлар, жамият етакчилари ва бошқалар билан жонли мулоқот олиб бориб, уларни мусулмонларнинг тақдирий масаласи, яъни ер юзида Аллоҳнинг ҳукмини Ислом ҳокимияти орқали қоим қилиш масаласи билан таништириб боради. Зеро, бу Набий ﷺ амалга оширган тариқатнинг айнан ўзи бўлиб, ул зотдан сўнг рошид халифалар, улардан кейинги халифалар то 1924 йил Халифалик давлати ағдарилгунига қадар ушбу тариқат бўйлаб ҳаракат қилишган. Халифалик қулатилганидан кейин мусулмон юртлари бўлиб ташланиб, Исломга умуман алоқаси бўлмаган тузум ва қонунлар билан бошқарилди. Бугунги кунда Ислом Умматининг энг муҳим вазифаси Пайғамбарлик минҳожи асосидаги рошид Халифалик бўлмиш Ислом давлати соясида Ислом тузуми ва аҳкомларини татбиқ ва ижро ўрнига қайтаришдан иборат.

Устоз Савқий устоз Носирнинг сўзларини юксак баҳолади ва бугун Халифаликни барпо этиш учун замин тайёр бўлганини, аммо бу иш учун катта саъй-ҳаракат ва сабр кераклигини таъкидлади. У ўз сўзини Ҳизб ут-Таҳрирнинг Порт-Судандаги офисини албатта зиёрат қилажагини айтиш билан тамомлади.

Учрашув сўнггида делегация аъзоси устоз Абдуллоҳ устоз Савқийга уларни чиройли кутиб олиб, мезбонлик кўрсатгани ва Уммат масаласига қайғургани учун ташаккур изҳор этди.

Иброҳим Усмон (Абу Халил)

Ҳизб ут-Таҳрирнинг Судан вилоятидаги расмий нотиғи