بسم الله الرحمن الرحيم

Роя газетаси:

Ҳизб ут-Таҳрир ва Қуддус аҳли Ақсо масжидида катта намойиш ўтказди

Ҳижрий 1439 йил 26-ражаб, милодий 2018 йил 13 апрел жума куни минглаб мусулмонлар Халифалик қулатилганининг тўқсон еттинчи йили хотиралари билан Ақсо масжиди майдонига тўпланди. Ҳизб ут-Таҳрир, унинг ансорлари ва Қуддус аҳлидан иборат намойишчилар «Халифалик Умматнинг куч-қудратини, Қуддуснинг мақомини қайта тиклайди», дея ҳайқирдилар. Ҳилпираган роя ва ливолар остида шайх Исом Амира йиғилганларга Ҳизб номидан маъруза қилди. Маърузада шайх Халифаликнинг зое кетиши, Уммат ҳайбатининг зое кетишига ва бошига балою офатлар ёғилишига сабаб бўлганини, шу жумладан, Фаластин босиб олинганини, Қуддус ўзининг улуғ даражасидан айрилиб, босқинчиликка маҳкум бўлганини таъкидлади.

Ҳизб ут-Таҳрир ўз баёнотида Халифаликнинг қайта барпо бўлиши, Умматнинг барча умматлар ўртасидаги ҳайбати қайта тикланишига кафил бўлажаги ҳақида гапирди. Бу бутун олам адолат, рушди-эҳсон ва ғамхўрлик билан бошқарилиши учун Қуддуснинг ўз даражасига қайта кўтарилишини ҳам таъминлашини таъкидлади.

Ҳизб қудрат ва ёрдам аҳлига, исломий армиялар зобитларига мурожаат йўллаб, улардан Ислом ва мусулмонларга нусрат-ёрдам беришни, асирликда қолган Ақсо масжидини озод этишни, мусулмонларни бирлаштириб, Шом, Фаластин, Яман, Бирма ва бошқа исломий ўлкадаги заифҳол мусулмонларга ёрдам беришни талаб қилди.

Роя газетасининг 2018 йил 18 апрел чоршанба кунги 178-сонидан