بسم الله الرحمن الرحيم

Роя газетаси:

Кувайтдаги АҚШ ҳаво порти Яқин Шарқдаги энг катта порт!

«Раъй» газетасининг ҳижрий 1439 йил 28 ражаб, милодий 2018 йил 12 июл пайшанба кунги сонида нашр қилинган хабарда бундай сўзлар келади:

«Яқинда Кувайтда АҚШга қарашли ҳаво порти очилиши кутилмоқда. Ҳарбий қўшимча кучлар ва ҳарбий техник таъминотларга мўлжалланган бу порт, Яқин Шарқ минтақасидаги шу турдаги портларнинг энг йириги бўлади.

«Мilitary.com» сайтининг АҚШ кучлари бош қўмондонлиги расмий баёнотига таяниб ёзишича, бу порт шаҳарчаси «Яқин Шарқ минтақасида юкларни етказиб бериш ва олиб чиқишга мўлжалланган энг йирик порт ҳисобланади». Шунингдек, у «2023 йилда очилиши белгиланган «Буюк Ғарб» ҳаво базасини қуриб битказишга доир бўшлиқни тўлдиришга қаратилган ҳарбий стратегик таъминот нуқтаси» ҳамдир.

АҚШ ҳаво кучлари масъулларининг таъкидлашларича, айни янги портнинг ҳамда «келажакда қуриб фойдаланишга топшириладиган Буюк Ғарб базасининг» жойлашиши жуда муҳим ҳисобланади. Чунки Америка ва унинг иттифоқчилари Яқин Шарқдаги турли ҳудудларга қўшимча кучлар ва ҳарбий техник ёрдамларни олиб келиш ва жойлаштиришда айни шу порт ва базалардан фойдаланади. Шунингдек, ушбу порт билан «Буюк Ғарб» базаси, Қўшма Штатлар марказий қўмондонлигининг минтақадаги асосий дарвозалари сифатида фаолият юритади.

Сайтда маълум қилинишича, айни лойиҳада иштирок этаётган Кувайт давлати, ўз навбатида, лойиҳа қурилиши учун 1,24 миллион квадрат метр ерни тайёрлаб бермоқда. Ерни қурилишга тайёрлаш ишларига жалб қилинган ишчи гуруҳи, тўрт ойдан буён кеча ва кундуз навбат билан меҳнат қилмоқда».

Роя газетаси шарҳи:

НАТО кучлари ва аскарларининг Кувайтдан йўлак сифатида фойдаланишлари мумкинлиги тўғрисида Кувайт билан НАТО ўртасида келишув имзоланиб, бу борадаги қонун 2017 йил май ойида ратификация қилинган эди. 2018 йил февралда эса, «узоқ муддатли амалиётларни муҳофаза этиш учун Қатардаги бир неча АҚШ ҳаво базаларини доимий инфраструктурага айлантириш» лойиҳаси қабул қилинди. Мана, бугун Кувайтда АҚШнинг Яқин Шарқадаги энг йирик ҳаво порти очилиши яқинлашаётгани ҳақидаги хабарни эшитиб турибмиз.

Хўш, Форс Кўрфази минтақаси дарвозаларининг қуруқликдан ва ҳаводан АҚШ манфаатлари учун ланг очиб берилиши ақлга тўғри келадими, ахир, АҚШ манфаатлари, деганда бу мустамлакачи давлатнинг мусулмон юртларидаги ўз таъсир доирасини кенгайтириши тушунилади-ку?!

Бу каби мункар ишларга қаттиқ қаршилик кўрсатиб, мутлақ рад қилиш керак. Кейин эса, мустамлакачи давлатлар билан бўлган барча ҳарбий иттифоқларни бекор қилиш ҳамда исломий юртларимиздаги мустамлакачилар пайига болта урувчи Пайғамбарлик минҳожи асосидаги рошид Халифалик давлатини барпо этишга жиддий фаолият олиб бориш лозим.

Роя газетасининг 2018 йил 18 июл чоршанба кунги 191-сонидан

0

0

Related posts:

Полиция томонидан бир неча қора танли америкаликлар отиб ўлдирилгач, Обама полиция аппаратини ислоҳ қилишга чақирмоқда Туркия АҚШдан Суриядаги курд жамоаларига босим ўтказишни талаб қилмоқда Келиб ўрнашиб олиш ва АҚШнинг яҳудийлар давлати билан муносабати АҚШ такаббурлиги ва Британия айёрлигининг кучайиши