Михлофий Эрондан Яман ишларига аралашишни бас қилишни талаб қилмоқда
بِسْمِ اللَّـهِ الرَّحْمَـٰنِ الرَّحِيمِ
Роя газетаси:
Михлофий Эрондан Яман ишларига аралашишни бас қилишни талаб қилмоқда
Яман ҳукумати ўз юртида тинчликни сўзда ҳам, амалда ҳам бажаришга жиддий ҳаракат қилаётганини таъкидлар экан, Эронни Яман ишларига аралашишда давом этишдан тўхташга чақирди.
Яман бош вазири ўринбосари Абдулмалик Михлофий Венесуэлада ўтказиладиган «Бетараф бўлмаслик» саммитига тайёрланиш анжуманида – Эрон Яман республикаси ички ишларига аралашишда ҳамон давом этмоқда, бундай очиқчасига аралашувини бас қилиши керак, деди.
Унинг қўшимча қилишича, Яман Ҳусий жангарилари ва ағдарилган президент Абдуллоҳ Солиҳ томонидан тўнтаришга юз тутган, бу эса Форс Кўрфази давлатлари ташаббуси ва унинг ижроий механизми талаби билан бўлаётган ўтиш даври босқичидаги сиёсий амалиётнинг охирига етказишга халақит берган, шу сабабдан президент Абдуроббиҳ Мансур Ҳодий Саудия етакчилигида қонунийликни қўллаб-қувватловчи Араб коалициясидан ёрдам сўрашга мажбур бўлмоқда. (Ал-Жазира нет).
Роя газетаси шарҳи:
Михлофий Эроннинг Яман ишларига аралашаётгани Америка режаси асосида бўлаётганини билади. Бу ҳеч кимга сир бўлмай қолган. Шунингдек, у Яман ҳукуматининг инглизларнинг Ямандаги режаларини бажаришини ҳам, бу юрт ичкарисидаги икки томоннинг кураши ва улар ортида регионал давлатларнинг туриши АҚШ-Британиянинг Яман устидаги курашлари эканини ҳам билади. Агар Михлофий ростгўй бўлганида ва Яман ишларига бўлган ҳар қандай аралашувни чиндан ҳам салбий, деб ҳисоблаши рост бўлганда эди, Ғарбнинг мустамлакачилик сиёсатини ва Яман ишларига аралашишини фош этган ва афкори оммага Эроннинг аралашуви АҚШнинг Ямандаги сиёсатини бажариш учун эканини очиб ташлаган бўлар эди. У чин дилдан ташқи кучлар аралашувига қарши бўлганида Эроннинг Ямандаги асл нуфуз эгаси қилиб тасвирламасди, у АҚШ манфаатларидан узоқ равишда, фақат ўзининг махсус режаси билан Яман ишига аралашаётган қилиб кўрсатмаган бўларди. Ачинарлиси шуки, Яман аҳли мустамлакачи кофирлар сиёсатларини ижро этиб, бир-бирларига қарши жанг қилишмоқда. Шундай экан, мусулмонлар ўз душманлари сиёсатини ижро этиб, бир-бирлари билан уришиб ётган бир пайтда, душманлар қўлга киритган ютуқ мусулмонлар учун фойда бўладими??!!
Роя газетасининг 2016 йил 21 сентябр чоршанба кунги 96-сонидан
