بِسْمِ اللَّـهِ الرَّحْمَـٰنِ الرَّحِيمِ

Матбуот баёноти

Муҳсин Фикрий ўлими

Мазлум халқда мужассам қўзғолон

Марокаш жорий йил 28 октябр жума куни ғоят даҳшатли жиноятга гувоҳ бўлди: Муҳсин Фикрий исмли йигит бир бурда нон излаётган пайт, ахлат йиғувчи юк машинаси билан аёвсиз суратда янчиб, майдалаб ташланди!

Режимнинг Инсонларни ҳақир санаб, улар жонини сариқ чақалик қадрламаслигига очиқ далолат қилаётган бу аянчли жиноят, мағриб аҳлини кўчага чиқишга ундади, ғазабга тўлган ва Муҳсин Фикрийнинг шаъни ва ҳуқуқини ҳимоя қилиш, унинг баробарида бутун юрт аҳли шаънини ҳимоя қилиш учун кўп сонли намойишлар, юришлар бошланди. Норозилик намойишчилари полиция участкалари олдида «жинояткор қотиллар», дея ёзилган плакатларни кўтариб турдилар.

Ушбу халқ кўтаринкилиги Ислом Умматида режимларга нисбатан – бу режимнинг қандай аталишидан қатъий назар – қаттиқ нафрат тўлиб турганига далолат қилмоқда. Шунингдек, Марокаш режими мақтанаётган барқарорлик сохта эканига, режим халқ ичида ўзига ва ҳукуматга қарши яшириниб ётган қўзғолонни олдиндан жиловлаб олиш учун шу «барқарорлик» билан кўзбўямачилик қилаётганига ҳам далолат қилмоқда.

Биз барчага айтамизки: бас, етар шунча пайсалга солишингиз, етар шунча синаб кўришингиз, етар шунча сабр қилиб, омадсиз малай режимлар учун узр-баҳона излашингиз, Марокаш режимининг Уммат масаласидан ўзини бир четга тортиб олиб, уни назарига илмаётгани барчангизга маълум. Унинг ўз халқига ва Умматга оғир дардисар режим эканига яҳудийлар давлатини парда ортидан туриб тан олишидан ва бу давлатни араб давлатларидан фойдаланишига зимдан ёрдам беришидан кўра кучлироқ далил бўлмаса керак. Марокашдаги аҳлимиз подшоҳ Ҳасан II замонидаги шафқатсиз қийноқлар ва қамоқхоналардаги даҳшатларни унутишгани йўқ.

Муҳсин Фикрий ҳам ана шундай ваҳшийлик билан ўлдирилди ва бу айни юртдаги ҳукмрон синфнинг ғоят такаббурлигига, одамлардан, Умматдан ўзини ажратиб олганига далолат қилади.

Биз Марокашдаги аҳлимиздан ушбу норозилик намойишларининг пухта-пишиб етган бўлишини ва ҳамма қабул қиладиган очиқ ғояли бўлишини жуда-жуда умид қиламиз. Албатта, бу Марокашни Уммат лойиҳасининг марказига, яъни Пайғамбарлик минҳожи асосидаги рошид Халифалик бўлмиш Ислом давлатига айлантириш ғоясидир. Шунингдек, бу намойишлари юксак онг асосида бўлиб, Марокаш аҳлининг таъмирлаш ва ямоқ солиш ечимларига рози бўлмайдиган халққа айлантиришини ҳам умид қиламиз. Чунки мусибатлар жуда узоққа ва оғриқлар даври узундан узунга чўзилди, гуноҳлар катталашди, вақт беҳуда кетди…

Ўзининг кўзбўямачиликка, алдаш ва фирибга қодирлиги билан ғурурланаётган бу режимга бундай денг: биз аллақачон ўз масаламизни тушуниб, белгилаб олганмиз, энди, умид қилардикки, ушбу норозилик намойишларимизни йўлдан оздириш ва жиловлаш учун мустамлакачи давлатлар томонидан сизга вазифа юклатилмаса бўлгани…

Даъват бўлинишга, ажралишга, илмонийликка, миллатчиликка бўлмаслиги, балки фақат очиқ ва кучли Исломга, унинг бошқарув низомига бўлиши керак. Ушбу бошқарув низоми Марокашни шундай мунаввар машъалага айлантирадики, бу Уммат ўз бирлигини мукаммал қилиш учун унинг атрофида тизилади… Ушбу юртда нақадар яхши инсонлар бор, Уммат масаласини нақадар қизғанувчи тақволи зотлар бор… Шояд бу сафарги ҳаракат рошид ва кескин бўлса, ажаб эмас…

Устоз Ризо Билҳож

Ҳизб ут-Таҳрирнинг

марказий матбуот бўлими аъзоси

Телефон: 00961 1 30 75 94

Уяли телефон: 00961 71 72 40 43

Электрон почта: Этот адрес электронной почты защищен от спам-ботов. У вас должен быть включен JavaScript для просмотра." style="color: #000000;">media@hizb-ut-tahrir.info