بِسْمِ اللهِ الرَّحْمنِ الرَّحِيمِ

Мустақбал-Ҳизбуллоҳ диалоги

2014 йил 25 декабр пайшанба куни эрталаб газеталар 2014 йил 24 декабр чоршанба куни «Мустақбал-Ҳизбуллоҳ диалоги» деган нарса бошланганидан бизни хабардор қилди. Бу диалогни ахборот воситалари бир неча кун давомида гўё у бир муаммодан олиб чиқадигандек жар солиб зўр бериб тарғиб қилди! Эрон Ҳизбининг Суриядаги урушга кириши ёки ундан чиқиши муҳокама ва диалог ўрни эмас, «қаршилик ҳаракати» қурол-аслаҳаси деган нарса ҳам муҳокама ва диалог ўрни эмас, жумҳурият президентининг сайлаш вақти келгани ҳам муҳокама ва диалог ўрни эмас (Эрон Ҳизбининг иттифоқчиси Имод Мишел Авн ҳам шундай деб ҳисоблайди) деб келинаётган бир пайтда бу диалогнинг эълон қилиниши одамларни ҳайрон қолдирди… Бугина эмас балки қаршилик ҳаракати отрядлари деган нарса ва уни тарқатиб юбориш шошилинч ва энг муҳим муҳокама қилиб қўйилди!… Ва бу йиғиндан мақсад суннийлар билан шиалар ўртасидаги кескинликни камайтириш деб эълон қилинди.

Биз қуйидаги саволларни берамиз: ана шу масалаларнинг барчаси муҳокама ва ҳатто шошилинч муҳокама ўрни эмас экан у ҳолда қайси диалог ҳақида жар солишмоқда?! Бу масалаларни уларга сабабчи бўлган кимсалар муҳокамага қўйилмайди деб ҳисоблар экан унда бу учрашув ва диалогнинг нима кераги бор?! Бу масалалар Мустақбал оқими ўз тарафдорларига уқтириб келганидек принципиал масалалар эмасмиди?! Ана шу принципиаллик қаерга кетди?! Ёки бу оқим етакчилиги ўзига тарафдор бўлган оммани узоқ вақтдан бери даъво қилиб келинган эҳтиёткор ёндашувларга қарамай Эрон Ҳизби билан биргаликда ҳукумат тузишни қабул қилганидан бошлаб аҳмоқ санайдиган бўлиб қолдими?!

Бу саволларга жавоб ҳар бир ақли расо одамга аниқ бўлиб қолди. Чунки қарши туриш қарори ёки ҳукуматни тузиш қарори ёки диалог столига ўтириш қарори… бу қарорларнинг ҳеч бири бирон кун бўлсин Мустақбал оқими ва Эрон Ҳизбидан иборат диалогчилар қўлида ёки ўзини шу диалог ҳомийлари қилиб кўрсатаётганлардан иборат диалогчилар қўлида бўлмаган ва ҳеч қачон бўлмайди ҳам. Чунки бу хилдаги қарор шу диалогчилар озуқаси бўлган сиёсий пулларни бериб келаётган региондаги давлатларгагина эмас, балки бу регионал давлатларга қачон ҳаракатга келиши ва қачон тек туриши кераклигини доимо чизиб кўрсатиб бериб келаётган йирик давлатларга боғлиқдир. Бу йирик давлатлар нима қилиш кераклигини ўзининг манфаатларига мувофиқ чизиб кўрсатиб беради. Бу йирик давлатлар нафақат Ливан ва унинг аҳли борасида балки бутун исломий юртлар борасида аҳдга ҳам, бурчга ҳам вафо қилмайди. Аксинча ўз манфаатларини, режаларини ва стратегиясини бошқа ҳар қандай нарсадан муқаддам қўяди. Улар Ливан, Сурия ва минтақадаги бошқа юртлар аҳлининг қони тўкилиши ҳисобига бўлса ҳам фақат ўз манфаатларини кўзлайди…

Энди «қаршилик ҳаракати отрядлари»ни тарқатиб юбориш масаласига келсак бунинг учун бирон учрашув ва диалог ўтказиш керакми?! Бунинг учун ярим учрашув ва ярим диалог ҳам арзимайди-ку ахир?! Бу отрядлар қурол кўтариб юрган бир қуруқ тўдалар бўлишдан нарига ўтмайдиган бўлиб қолганини, ўзига қўллаб-қувватлов ва ҳомийлик топганини, ҳатто бу тўдалар аъзоларидан бирини хавфсизлик муассасалари олиб келтиришига ўқлар ёмғири билан ва ҳали у ерда, ҳали бу ерда қонлар тўкиш билан йўл қўйилмаганини бу отрядларни тузганлар кўрмаяптими ахир?! … Ёки бу масала қон тўкилишини тўхтатиш ва сафларни бирлаштириш истагида эканини даъво қилаётган кимсалар томонидан бу отрядларни дарҳол ва бир лаҳзада тарқатиб юборишдан кўра кўпроқ нарсани талаб қиладими?!

Энди суннийлар билан шиалар ўртасидаги кескинликни камайтириш масаласига келсак – диалогчилар уни бу учрашувга бир усти ялтироқ ном қилиб олишди – кошки шундай бўлсайди… Бу анча йиллардан бери мумкин эмасмиди ахир? Ёки хориждан кўрсатмалар ҳали келмаганмиди?! Ҳолбуки бу кескинлик хориждаги режаларга хизмат қилиш учун Ливан ва Сурия фарзандларининг тўкиш ҳаром бўлган қонини тўкишдан бошқа нарсани келтириб чиқармади-ку ахир, шундай эмасми?! Ҳолбуки бу кескинликни томир оттирганлар шу диалогни кеча ва бугун қабул қилганлардир. Улар бу кескинликни фақат ўз хўжайинлари буйруқларига ва уларнинг режаларига бўйсунгани учунгина томир оттиришди, шундай эмасми?!

Бу кескинликдан фойда кўрадиганлар уларнинг халқаро хўжайинлари эканлигида ҳеч шубҳа йўқ. Уларнинг ҳаммасига диалог столига ўтиришни буюрганлар ана шу хўжайинларидир. Ҳолбуки бу диалог бефойда нарса бўлишдан нарига ўтмаслигини ҳаммаси яхши билади. Чунки у ана шу хўжайинларининг минтақадаги қайноқ масалаларни қандай ҳал қилишни билмай тентираб саросимага тушиши сабабли яна орқага суриш ва чўзишдан бошқа нарсага олиб келмайди.

Ҳақиқатда Шом қўзғолони Ислом шиорларини, хусусан Пайғамбарлик минҳожи асосидаги Халифалик шиорларини кўтариб чиқиб регионал ва халқаро ўйинчиларни довдиратиб қўйди. Бу нарса ана шу давлатларни Умматнинг уйғонишини барбод қилишга уриниб шу кескинликни қўзғашга ва Давлат ташкилоти эълон қилган сохта «халифалик»ни зўр бериб ёритишга мажбур қилди. Бу давлатлар Умматни қутқазувчи ҳақиқий лойиҳани – Умматнинг мухлис фарзандлари ҳаракат қилаётган Пайғамбарлик минҳожи асосидаги Халифалик лойиҳасини – бўғиб ташлаш учун ҳамда ҳақ сўзни айтаётган ҳар бир кишининг овозини «терроризм», «такфирчи» ва «ИШИД тарафдори» деган баҳоналар билан бўғиш учун шундай йўлга ўтди!…

Мана масалан бош секретар ўринбосари Наим Қосим «Ҳаёт» газетаси ўзининг 2014 йил 29 декабр душанба куни нашр қилган баёнотда сизларга диалогнинг биринчи учрашувидан бир неча кун кейинги натижанинг «хушхабари»ни бундай деб бермоқда: «Минтақа бугун турғунлик ҳолатида турибди, ечимлар ҳам, бирон ғалаба ҳам, ютуқлар ҳам йўқ, бошқача айтганда яқин орада Сурия борасида ҳам, ИШИДга қарши курашишда ҳам, Саудия-Эрон алоқаларида ҳам, минтақамиздаги мавжуд бир тўп муаммолар борасида ҳам бирон ечимга эришиш кутилмаяпти, жумладан Ливан борасида ҳам ечимсиз қолиб келаётган кўпгина масалаларга оид яқин орада бирон ечимга эришиш кутилмаяпти, чунки бу масалалар минтақадаги мавжуд лойиҳага боғлиқдир».

Ливандаги эй суннийлар ва шиалар! Балки Аллоҳ сизларни олдин исмлаганидек эй мусулмонлар, деб мурожаат қилсак тўғрироқ бўлади:

Биз Ҳизб ут-Таҳрир-Ливан вилояти аъзолари сизларни ёлғон орзуларга ёпишиб олмасликка чақирамиз! Диалогчилар ва уларнинг хўжайинлари адаштириш ва алдаш мақсадида зўр бериб жар солаётган хом хаёлларга ёпишиб олмасликка чақирамиз! Биз сизларни Халифаликни тиклашга ҳаракат қилаётганларга нафақат ёрдам беришга, балки улар билан биргаликда Пайғамбарлик минҳожи асосидаги Халифалик давлатини тиклаш учун ҳаракат қилишга ҳам чақирамиз. Чунки Халифалик бағрида ҳамма, мусулмон ҳам, ғайримусулмон ҳам тинч, осуда ҳаёт кечиради. Ҳизб ут-Таҳрир Умматнинг, жумладан Ливан ва унинг аҳлининг уйғониши йўлида тунни кунга улаб шу Халифалик учун ҳаракат қилмоқда.

إِنَّ فِي ذَلِكَ لَذِكْرَى لِمَن كَانَ لَهُ قَلْبٌ أَوْ أَلْقَى السَّمْعَ وَهُوَ شَهِيدٌ

«Албатта бунда (огоҳ) қалб эгаси бўлган ёки ўзи ҳозир бўлган ҳолда (яъни сидқидилдан) қулоқ тутган киши учун эслатма-ибратлар бордир» [Қоф 37]

Ҳизб ут-Таҳрир                                                        10 робиул-аввал 1436ҳ

Ливан вилояти                                                         1 январ 2015м