بِسْمِ اللهِ الرَّحْمنِ الرَّحِيمِ

Мусулмон сизнингча қандай бўлиши керак?

Аввало бу мавзуда уламоларимиз кўплаб фикрлар билдиришган ва ўз насихатларини айтиб ўтишган. Бугун биз ҳам мана шу мавзуда сизларга ўз фикрларимизни билдиришга жазм қилдик. Аввало биз ожиз бандаларининг хатоларини Аллоҳ кечирсин.

فَلاَ وَرَبِّكَ لاَ يُؤْمِنُونَ حَتَّىَ يُحَكِّمُوكَ فِيمَا شَجَرَ بَيْنَهُمْ ثُمَّ لاَ يَجِدُواْ فِي أَنفُسِهِمْ حَرَجاً مِّمَّا قَضَيْتَ وَيُسَلِّمُواْ تَسْلِيماً

Йўқ, Роббингга қасамки, сени ўз ораларида чиққан келишмовчиликларга ҳакам қилмагунларича, кейин, чиқарган ҳукмингга дилларида танглик топмасдан, бутунлай таслим бўлмагунларича, зинҳор мўъмин бўла олмаслар!”        (Нисо. 65)

Биз сизларга ноодатий бир мисол келтирамиз. Замонавий кинолар орасида хақиқий одам овини тасвирлашга ҳаракат қилганлари кам эмас, балки кўргандирсиз. Энди мана шундай эпизодлардан бирортасини кўз олдингизга келтирингва одам овчисининг қўлига тушиб қолган инсонни тасаввур қилинг. Шу овчи ўз ўлжасини бир ўрмонзорнинг бошига олиб келиб унга ўз шартларини тушунтирмоқда мисол учун: тез юриши, шу ўрмондан ўтгунича тўхтамаслиги, ўтирмаслиги, яъни хордиқ олмаслиги, хуллас мана шунга ўхшаш ўзи хоҳлаган шартларни билдирди. Ва ўзи ўлжаси бўлган инсонга уни юқорида туриб вертолётда кузатишини, агар бирор шартни бузса уни ўша ернинг ўзида отиб ўлдириши ёки уни ушлаб олиб қийноққа солишини, агар шартларининг хеч қайсисини бузмасдан ўрмонни кесиб ўтса уни қўйиб юборишини айтди.

Мисолни ўқидингиз, энди бизга айтингчи, ана шу “ўлжа” сифатида кўрилаёган инсон ўзини кузатаётган овчининг шартларига қанчалар риоя қилади? Бизнингча “ўлжа” айтилган барча шартларни тўғри ва тўлиқ бажаришга ҳаракат қилади, тўғри эмасми? Ва ўрмонни кесиб ўтиш вақтида бирор шартни бузиб қўймаслик учун бор имконияти, иқтидори ва қудратини жиддий масъулият билан сарф этади. Сизнингча ҳам шундайми? Бирор сонияга эътиборсизликка йўл қўймай, шартларни бузадиган амал у ёқда турсин, хатто шартларнинг бузиши мумкин деб гумон қилган амалларни ҳам қилмаслигини таҳмин қилишимиз аниқ. Лекин “ўлжа” ўрмонда ўзи хоҳлаган амалларини бажаради ва шартларга парво ҳам қилмайди, аксинча бу шартлардаги қонун қоидаларнинг ўрнига ўзи истаганидек қоидаларни жорий қилади  дейишлик  ақлингизга сиғадими, яъни шундай дейилса ақлингиз қаноатланадими?

Нима учун инсонлар Аллоҳнинг назоратида, кузатувида бўла туриб ва хатто буни билишсалар ҳам ўзлари хоҳлагандек, яъни Буюк Зотнинг хукмларини беъмалол бузган холда, хатто У Зотнинг хукмларини ўрнига ўзлари қонунлар ишлаб чиқиб шулар бўйича яшашмоқда?

Албатта биз бу мисол билан мўъмининг Аллоҳга чин итоатини тўла тасвирлаб бўлмаслигини тан оламиз ва кимнидир Буюк Аллоҳга қиёслашга ҳаракат ҳам қилганимиз йўқ. Лекин биз бу мисол билан инсоннинг Охират шиддатини унутиб қўяётганлигини эътиборга олишга ҳаракат қилдик. Сизларга Аллоҳнинг ушбу оятини эслатмоқчимиз:

الْيَوْمَ يَئِسَ الَّذِينَ كَفَرُواْ مِن دِينِكُمْ فَلاَ تَخْشَوْهُمْ وَاخْشَوْنِ الْيَوْمَ أَكْمَلْتُ لَكُمْ دِينَكُمْ وَأَتْمَمْتُ عَلَيْكُمْ نِعْمَتِي وَرَضِيتُ لَكُمُ الإِسْلاَمَ دِيناً

“Бугунги кунда куфр келтирганлар динингизга зарар етказишдан умид уздилар. Улардан қўрқманглар, Мендан қўрқинглар. Бугунги кунда Мен сизнинг динингизни мукаммал қилиб бердим. Сизга неъматимни батамом қилдим. Ва сизга Исломни дин деб рози бўлдим”.  (Моида. 3)

Аллоҳ Таъолонинг бирон бир оятида ёки Пайғамбар соллаллоҳу алайхи васалламнинг бирор хадисларида мусулмон инсон куфр қонунлари остида шу қонунларга рози бўлиб яшашлиги тўғри дейилмаган. Яъни рози бўлмаслиги мусулмонни ўзининг устидаги куфр қонунларни Ислом шариатига ўзгартиришга ҳаракат қилишига сабаб бўлади.

إِنَّ اللّهَ لاَ يُغَيِّرُ مَا بِقَوْمٍ حَتَّى يُغَيِّرُواْمَا بِأَنْفُسِهِمْ

„Аниқки, то бирон қавм ўзларини ўзгартирмагунларича Аллоҳ уларнинг аҳволини ўзгартирмас” . (Раъд. 11)

Ҳизб ут-Таҳрирнинг Ўзбекистондаги медиа офиси Абдуллоҳ

13.12.2014й.