بِسْمِ اللهِ الرَّحْمنِ الرَّحِيمِ

Обаманинг мустамлакачилик иттифоқида иштирок этиш улкан жиноят ва муқаррар макрдир

سَيُصِيبُ الَّذِينَ أَجْرَمُوا صَغَارٌ عِنْدَ اللَّهِ وَعَذَابٌ شَدِيدٌ بِمَا كَانُوا يَمْكُرُونَ

«Яқинда бундай жинояткорларга қилиб ўтган ҳийла-найранглари сабабли Аллоҳ ҳузурида хорлик ва қаттиқ азоб етажакдир»

Обама 2014 йил 10 сентябр чоршанба куни «Исломий Давлат» ташкилотига қарши жанг қилиш ва «терроризм»га қарши кураш ниқоби остида бу минтақа учун ҳалокатли бўлган мустамлакачилик иттифоқига бошчилик қилишга оид режасини эълон қилди… Бундан олдин Керри бу иттифоқда қирқта давлат иштирок этишини айтган эди. Обама бу стратегияси ойларнигина эмас, балки йилларни ўз ичига олишини ва Америка Ироқ армиясини, башмаркаларни ва мўътадил оппозицияни машқдан ўтказиб қуроллантиришини айтди! Обама иттифоқини амалга ошириш учун 2014 йил 11 сентябр пайшанба куни Жиддада Америка ташқи ишлар вазири Керри бошқарувида исломий минтақа давлатлари: Саудия, Иордания, Миср, Ливан, Туркия, Ироқ ва олти Кўрфаз давлатлари қатнашган йиғилиш ўтказилди… Гоҳида кўриниб, гоҳо ғойиб бўлиб қоладиган ва Ироқ ва Сурия фожеаларида, ҳатто Ливанда ҳам марказий ролни ўйнаётган Эрон эса бу иттифоқда очиқ қатнашишга эҳтиёж сезмайди. Балки Афғонистон ва Ироқ босиб олинганидан бошлаб то шу бугунгача Эрон билан Америка ўртасидаги ўзаро келишиб иш юритиш гоҳ парда ортидан, гоҳ ҳеч бир пардасиз давом этиб келмоқда. Куни кеча Хоменеий «Исломий Давлат» ташкилотига қарши урушда Америка билан келишиб иш олиб боришга розилигини айтди! Бу ҳақда баъзи ахборот агентликлари 2014 йил 5 сентябрда хабар тарқатди… Демак Керри Обаманинг исломий минтақадаги иттифоқининг югурдак қуроллари рувайбиза ҳокимларга бошчилик қилмоқда. Бу рувайбиза ҳокимлар бу иттифоққа ҳеч уялмай ва хижолат бўлмай очиқдан-очиқ хизматкорлик қилибгина қолмай балки улар бу иттифоқни тузишни ва ўзлари унинг югурдак қуроллари бўлишларини Америкадан зўр бериб талаб ҳам қилишмоқда! Росулуллоҳ САВ:

«إِذَا لَمْ تَسْتَحْيِ فَاصْنَعْ مَا شِئْتَ»

«Уялмасанг хоҳлаган ишингни қилавер» деб ҳақ сўзни айтганлар. Бу ҳадисни Бухорий Абу Масъуддан чиқарди.

Эй мусулмонлар: Америка бу иттифоқ учун рўкач қилаётган ҳужжат рад этилувчи ҳужжатдир… Чунки террорга қарши курашадиган кимсанинг қўли ундан тоза бўлиши лозим, у террор дарахтининг асл илдизи, уни озиқлантирувчи ва уни етиштириб чиқарувчи бўлмаслиги керак! Хўш, Афғонистон, Ироқ, Баграм, Абу Ғурайб, Гуантанамодаги даҳшатли қатллар ва жирканчли қийноқлар ортида ким турибди?! Мана шу Америка эмасми?! Бирма ва Марказий Африкадаги мусулмонларнинг ҳатто ўрмон ваҳшийлари ҳам жирканадиган тарзда ваҳшиёна қирғин қилинаётгани Америка кўриб ва эшитибгина қолмай, балки қўллаб-қувватлаётган террор эмасми?! Чунки Бирма ҳукуматининг мусулмонларга қарши ҳужумлари авж олиши билан Бирма ва Америка ўртасидаги иқтисодий ҳамкорлик ҳам авж олди! Келинг узоққа бориб ўтирмайлик, Шом тоғути қирғинлари ортида ким турибди? Башарни бу жиноятларга парда ортидан ва пардасиз ҳаракатлантираётган мана шу Америка эмасми?! Башар ҳам ва унинг отаси ҳам Америка қўғирчоғи эканлигини ким билмайди дейсиз?! Бу тоғутнинг башар ҳам, дову дарахт ва тоғу тош ҳам омон қолмаган жиноятларига кенг йўл очиб берган мана шу Америкадир. Америка ўзининг ҳозирги малайи Башар (унинг роли тугай деб қолди) ўрнига ундан кўра камроқ бадбашара бўлган яна бир малайини тайёрлаб қўли бўшагунига қадар тоғутнинг бу жиноятларига кенг йўл очиб бермоқда… Кўзи бор фикрли ҳар қандай оқил киши Американинг бир қуролли ташкилотга қарши жанг қилиш учун қирқ давлатдан иборат иттифоқ тузишидаги сафсаталарига ишониши мумкинми?! Оқил одам бунинг ортида, балки олдида ҳам бошқа мақсад ётганини яхши билади! Чунки бу ишлар яширин бўлмай қолди, балки куппа-кундузи очиқ-ошкор тўқилмоқда…!

Эй мусулмонлар: Обаманинг бу минтақа учун ҳалокатли бўлган мустамлакачилик иттифоқидан мақсад Америка нуфузининг ланг очиб қўйилган эшик орқали кириб келишидир. Бу эшикни унга Аллоҳдан ҳам, Росулидан ҳам ва мўминлардан ҳам уялмайдиган тоғут ҳокимлар қўли билан очиб берилмоқда. Чунки илгари Америка нуфузи ҳокимлар махфий тарзда кўрсатиб берадиган туйнукчалар орқали кириб келиш учун секингина ўрмалаб келган бўлса, ҳозир у мана шу ҳокимлар ҳеч уялмай ўз қўли билан ланг очиб қўяётган эшикдан кириб келмоқда…! Обаманинг иттифоқи террорга қарши курашиш учун эмас, аксинча шу минтақа устидан ҳукмронлик қилиш учундир. Бундан қуйидаги икки мақсад кўзланади:

Бу минтақадаги қора олтин (нефт)ни талаб кетишни ва унинг Америка омборларига осонлик билан оқиб боришини кафолатлаш.

Исломий юртларда Пайғамбарлик минҳожи асосидаги рошид Халифаликнинг қайта тикланишига йўл қўймаслик.

Америка ва унинг югурдак ёрдамчилари ўзларини бунга макру ҳийла орқали қодир деб ўйлашмоқда

وَمَكْرُ أُوْلَئِكَ هُوَ يَبُورُ

«Ва уларнинг макрлари ҳам ҳалок бўлур (яъни беҳуда кетур)»    [Фотир 10]

Америка ҳаракат қилаётган икки мақсад мана шу. «Терроризмга қарши кураш» эса бир ниқоб, холос. Эндиликда Америка буни устомонлик билан яширолмай қолди!

Эй мусулмонлар: сизларнинг юртларингизда юзага келган сиёсий бўшлиқ бу юртларни мустамлакачи кофирларнинг армиялар, иттифоқлар, адаштиришлар ва конференциялар билан босқинчилик қилишига нишон қилиб қўйди, бу мустамлакачи кофирлар ҳеч бир куч-қудратдан ва қаҳр-ғазабдан қўрқмай босқинчилик қилишмоқда. Чунки сиёсий бўшлиқ ўзи ўрнашиб олаётган бу минтақани ўлдирмоқда. Сиёсий бўшлиқ мусулмонлар юртларида бошқарув низомларининг йўқлигина эмас, балки таъсири янада чуқур ва янада хатарлиси бу Уммат ўз ақидасидан келиб чиққан низом билан бошқарилмаётгани оқибатида келиб чиққан сиёсий бўшлиқдир. Мана шу нарса Уммат вужудининг бўлиниб, тарқоқ бўлиб кетишига сабабдир. Натижада Уммат иши беқарор бўлиб қолмоқда ва у нотинчликлар, заифлик ва хору зорлик учун тайёр замин бўлиб қолмоқда. Бу эса душман кириб келадиган бир заиф нуқта бўлибгина қолмай балки заиф нуқталардир. Шунинг учун мустамлакачиларга мусулмонлар юртларини босиб олиб уларнинг устига тоғутларни ўрнатиб қўйиб бошқариш осон бўлиб қолди… Қарийб бир аср олдин Халифалик йўқ қилинганидан бошлаб сиёсий бўшлиқ юртлар ва бандаларни чулғаб олди. Шундан кейин мустамлакачи кофирлар ва уларнинг сақофатлари билан суғорилганлар мусулмонларнинг Ислом бошқарувини қайта тиклашга бўлган ҳар қандай уринишига қурол ва конференциялар билан қаттиқ қаршилик кўрсатиш йўлини тутадиган бўлишди. Ана шундан кейин улар илмоний, капиталистик ёки социалистик, диктатура ёки демократик тусдаги бошқарув режимларини, гоҳида эса ҳеч бир тусга эга бўлмаган аралаш-қуралаш режимларни ўрнатиш йўлига ўтишди! Шу тарзда мусулмонлар юртларида зулм, адолатсизлик, зўравонлик ва репрессия кенг тарқалди, ҳокимлар ўзларини Умматга шер қилиб кўрсатадиган, Америка ва кофир Ғарб олдида эса «ювошгина қўй» бўлиб қоладиган бўлди! Аҳвол бу ҳокимларнинг ўз юртларини ҳалок қиладиган бир иттифоқ тузишини Америкадан тиланиб, ялиниб сўрашадиган, кейин эса буни бир буюк ғалаба деб ҳисоблашадиган  даражага етди!

قَاتَلَهُمُ اللّهُ أَنَّى يُؤْفَكُونَ

«Уларни Аллоҳ лаънатлагай! Қандай адашмоқдалар-а!»    [Тавба 30]

Эй мусулмонлар: бу иш ҳазил эмас, жиддийдир, у бир арзимас иш эмас, аксинча у Аллоҳ, Росули ва мўминлар наздида жуда улкан ишдир. Шунинг учун ўз аҳлини алдамайдиган етакчи Ҳизб ут-Таҳрир сизларни огоҳлантириб сизларга қуйидагиларни баён қилади:

Бу иттифоқнинг тузилиши ва унинг мусулмонлар юртларида мавжуд бўлиб қолавериши жуда катта гуноҳ ва муқаррар ёмонликдир. Чунки у Исломда ҳаром бўлган бир улкан жиноятдир. Бунга далил Росулуллоҳ САВнинг ушбу сўзларидир:

«لا تَسْتَضِيئُوا بِنَارِ الْمُشْرِكِينَ»

«Мушрикларнинг олови ёруғидан фойдаланманглар». Бу ҳадисни Байҳақий «Сунанул Кубро»да Анас ибн Моликдан чиқарди. Бу ҳадисдаги қавм оловидан мурод уларнинг урушдаги вужудларидан киноядир. Бунга яна далил Росулуллоҳ САВнинг қуйидаги сўзларидир:

«فَلَنْ أَسْتَعِينَ بِمُشْرِكٍ»

«Мен ҳеч қачон бирон мушрикдан ёрдам сўрамайман». Бу ҳадисни Муслим Оиша РАдан ривоят қилди. Абу Довуд ва Ибн Можада эса Оиша РАдан қуйидаги ҳадис ривоят қилинган:

«إِنَّا لا نَسْتَعِينُ بِمُشْرِكٍ»

«Биз биронта мушрикдан ёрдам сўрамаймиз».

Рувайбиза ҳокимларнинг мусулмонларга зулм ва адолатсизлик қилишни давом эттиришлари, кофирларга эса қулдек бўйин эгиб уларни дўст тутишлари бир фитна, мусибат ва фалокат бўлиб, унинг зарари фақат золим ҳокимларгагина эмас балки уларнинг зулмига индамай сукут қилиб турганларга ҳам етади

وَاتَّقُواْ فِتْنَةً لاَّ تُصِيبَنَّ الَّذِينَ ظَلَمُواْ مِنكُمْ خَآصَّةً

«Ҳамда сизлардан фақат золим кимсаларнинг ўзигагина етмай (балки барчага етадиган) балодан сақланингиз!» [Анфол 25]

Росулуллоҳ САВ эса бундай дедилар:

«إِنَّ النَّاسَ إِذَا عُمِلَ فِيهِمْ بِالْمَعَاصِي فَلَمْ يُغَيِّرُوا أَوْشَكَ اللَّهُ أَنْ يَعُمَّهُمْ بِعِقَابٍ»

«Одамлар ўз ораларида маъсият-осийлик қилинган пайтда ўзгартирмасалар Аллоҳ уларнинг ҳаммасига бир иқоб-азобни юбориши аниқдир». Бу ҳадисни Абу Амр Доний «Фитан»да Абу Бакр РАдан чиқарди.

Вожиб иш Обама мусулмонлар юртларига ёймоқчи бўлаётган ва бунда унга динларини дунёнинг бир озгина матоси эвазига, балки бошқаларнинг дунёси эвазига сотиб юборган ҳокимлар ёрдам бераётган бу иттифоқнинг сиртмоқли арқонини кесиб ташлашдир! Бу арқонни кесиб ташлаш унинг бошланишида осонроқ ва енгилроқ бўлади, бу арқон мустаҳкамлангунча ва барча томонга ёйилгунгача кутиб туришдан кўра уни бошидаёқ кесиб ташлаш осонроқ бўлади…

Биз мусулмонлар армияларига ҳам мурожаат қиламиз: орангизда ҳокимларнинг Аллоҳга, Росулига ва мўминларга хиёнат қилишига қарши чиқадиган бирон рашид эр киши йўқми?!! Орангизда ўз дини ва ор-номуси ҳақида ғаюрлик билан қайғуриб, Аллоҳ душманларига қарши турадиган, уларнинг арқонларини ва таёқларини кесиб ташлайдиган бирон рашид эр киши йўқми?!! Орангизда бу рувайбизаларни йўқ қилиб Ансорлар сийратини такрорлайдиган, натижада бизга Ислом бошқарувини, Пайғамбарлик минҳожи асосидаги рошид Халифаликни тиклаш учун ёрдам берадиган биронта рашид эр киши йўқми?!!

Ҳизб ут-Таҳрир сизларни қўзғалиб ҳиммат камарини боғлашга чақиради, Аллоҳ ва Росули яхши кўрадиган позицияда туришингиз учун азму қатъиятингизни қўзғайди, бу иттифоқни таг-томири билан қирқиб ташланг, юртлар ва бандаларнинг душманлар қуршовида қолганини кўришингизнинг олдини олиш учун шундай қилинг. Акс ҳолда надомат қилиб қоласиз, лекин вақт ўтган бўлади…

هَـذَا بَلاَغٌ لِّلنَّاسِ وَلِيُنذَرُواْ بِهِ وَلِيَعْلَمُواْ أَنَّمَا هُوَ إِلَـهٌ وَاحِدٌ وَلِيَذَّكَّرَ أُوْلُواْ الأَلْبَابِ

«(Қуръон) одамлар огоҳлантирилишлари ва (Аллоҳ) ягона илоҳ эканини билишлари ҳамда ақл эгалари эслатма-ибрат олишлари учун (Аллоҳ тарафидан нозил қилинган) бир баёнот-хабардир» [Иброҳим 52]

Аллоҳим, биз етказдик… Аллоҳим Ўзинг гувоҳ бўл…

Ҳизб ут-Таҳрир                                                                     16 зул-қаъда 1435ҳ

                                                                                                  11 сентябр 2014м