بِسْمِ اللهِ الرَّحْمٰنِ الرَّحِيمِ

Очарчилик кучайишининг ҳамда Ғарб остонасига бош уришнинг сабабчиси молиявий ёрдамлардир

2023 йил 26 феврал якшанба куни Женевада Швеция ва Швейцария давлатлари томонидан БМТ ҳамкорлигида ташкил этилган «Донор давлатларининг Яманга ёрдам бериш конференцияси» ўз ниҳоясига етди. Конференцияда 31 давлат ва халқаро ташкилотлар томонидан Яманга 1.2 миллиард доллар беришга ва бу маблағни яманликларнинг очарчилигига барҳам бериш учун сарфлашга ваъда қилинди. Маълумки, уруш оқибатида уй-жойсиз қолган, очлик ва касалликдан тинкалари қуриган миллионлаб яманликлар 2014 йилдан бери юртларини вайрон қилиб келаётган урушнинг тугашига умидлари қолмади.

Бу хусусда Ҳизб ут-Таҳрир – Яман вилояти матбуот бўлими баёнот чиқариб, қуйидагиларни таъкидлади:

«Ҳа, АҚШ билан Британия томонидан бошқарилаётган Яман уруши турли касаллик ва эпидемияларни олиб келди. Озиқ-овқат, ичимлик ва тиббий ёрдам етишмаслигидан азият чекаётган 21 миллион инсондан 400 минг бола очарчилик ва тўйиб овқатланмасликдан азият чекмоқда. Мана шулардан кейин, иллат-касалликни ҳам ўзи келтириб чиқарган ва унинг сохта давосини ҳам ўзи яратган БМТ пайдо бўлиб, «гуманитар ёрдам» бонгини урмоқда, шу орқали айни ташкилотни тузган ва унга раҳнамолик қилаётган давлатларнинг истакларини амалга оширмоқда. Дарҳақиқат, БМТ аслида, уни таъсис этган кофир Ғарб манфаатларини таъминлаш учун фаолият қилади. Аммо унинг бу каби конференцияларининг гуманитар жиҳатга умуман алоқаси йўқ. Чунки бундай фаолиятлардан мақсад мустамлакачилик бўлиб, Яман устида курашаётган давлатлар нуфузини сақлаб қолишга, шунингдек, юрт бойликларини талон-торож этишга хизмат қилади. Ваҳоланки, агар АҚШ билан Британияга юртнинг шимолию жанубидаги бойликларни талашларига имконият яратиб бераётган малай ҳукмдорлар бўлмаса эди, Яман бойликлари унинг аҳлига етар, ҳатто ортиб қолар эди».

Матбуот баёноти якунида бундай дейилди:

«Ёрдамларнинг ҳам бир иқтисодий мустамлакачилик бўлиб, сиёсий ва ҳарбий мустамлакачиликдан қолишмайди. Чунки булардан келиб чиқадиган натижа битта, у ҳам бўлса, Ғарб остонасига янада кўпроқ бош уриш ва Ислом асосида тўғри ўзгаришни кечиктириш учун халқларни кишанлаш.Зотан халқлар бу кишанлардан фақатгина Ҳизб ут-Таҳрир, у учун амал қилаётган Пайғамбарлик манҳажи асосига қуриладиган иккинчи рошид Халифалик тикланиши билангина озод бўла оладилар. Дарҳақиқат бугунлик кундаги зўровон хукмронлик ва унинг низоми яроқсизлик ва йўқлик сари юз тутаётганлиги рошид Халифалик яқин эканлигидан дарак бермоқда».

Роя газетасининг 2023 йил 15 март чоршанба кунги 434-сонидан