Рамазон Ҳайити табриги!
بِسْـــمِ اللهِ الرَّحْمٰـــنِ الرَّحِيـــم
Рамазон Ҳайити табриги!
Ассаламу алайкум ва роҳматуллоҳи ва барокатуҳу! Азиз биродарлар биз сизларни Рамазон Ҳайити муносабати билан табриклаймиз! Шу билан бирга Аллоҳдан сўраб қоламизки ўтган Рамазон ойидаги амалларингизни ажру мукофотларга бой қилсин! Бу ойда қилган ҳайрли амалларимиз бундан кейин ҳам давомли бўлсин! Ҳаётдаги ҳар бир амалимиз Аллоҳнинг розилиги томон йўналсин! Аллоҳнинг розилиги учун яшаш ҳаётимиздаги асл ғоя бўлиб қолсин!
Шу ерда таъкидлаб ўтиш ўринлики, Инсон фақатгина Ислом шариати бўйича яшасагина Яратувчисини рози қила олади, холос. Чунки Ислом дини бутун борлиқни яратган Яратувчи бўлмиш Аллоҳ Таъолонинг Ўзи томонидан берилгандир. Ислом баъзи мусулмонларнинг онгига сингиб қолганидек фақатгина шахсий муаммолар ва ибодат масалалари билангина чекланиб қолмаган. Аксинча агар кимки сийратдан хабардор бўлса Мадинада тикланган Ислом Давлати Пайғамбар с.а.в томонидан Ислом шариати орқали жуда чиройли тарзда бошқарилди. Бу бошқарувнинг натижаси ўлароқ Ислом Давлати тез муддатда ҳар бир соҳада юксалиб дунёдаги етакчи давлатга айлана олди. Ва бу Давлатнинг буюклиги, салобати шу даражада юксалдики ўзининг Исломий дунёқарашини бутун дунёга ёйиш йўлидаги ҳаракатларига кофирларнинг хеч бир давлати қаршилик қила олмади. Мана шу тарих зарварақлари ҳам бизларга Ислом мукаммал тузум эканлигини кўрсатиб турибди. Қачонки мусулмонлар ўз ғояларини ва шу ғоя бўйича яшашни унутиб қўйганларидан сўнг бу Давлат ўз мавқеини йўқота бошлади ва 20 аср бошида кофирлар томонидан йиқитилди. Яъни мусулмонларнинг бугунги ҳолатга тушишига, асло, Ислом шариати сабаб бўлмади, яъни баъзи тушунмаган инсонлар ёки Ислом душманлари айтганидек бу дин янги-янги чиққан муаммоларга ечим беришда ожиз бўлиб қолди деганлари ёлғон, аксинча мусулмонларнинг айнан Ислом шариатига бепарволиклари уларни бугунги ҳолатга олиб келди.
Мусулмонларнинг тарихий юксакликларини қайтариш учун Исломий Давлатни қайта тиклаш керак. Бунинг учун эса аввало Пайғамбар с.а.в қандай фаолият олиб борган бўлсалар шундай ҳаракат қилиш зарур.
Исломни ҳар бир муаммога, у муаммо шахсий бўладими, умумий жамоавий ёки давлат миқёсида ёки халқаро миқёсда бутун дунё аҳлига оид ёки маълум бир соҳаларга тааллуқли муаммолар бўладими барчасига тўғри ечим бера оладиган ақида эканлигига аввало ўзимиз иқрор бўлишимиз, яъни Исломни мукаммал тузум эканлигини тушуниб олишимиз ва ундан кейин бошқаларни бунга ишонтира олишимиз керак.
إِنَّمَا كَانَ قَوْلَ الْمُؤْمِنِينَ إِذَا دُعُوا إِلَى اللَّـهِ وَرَسُولِهِ لِيَحْكُمَ بَيْنَهُمْ أَن يَقُولُوا سَمِعْنَا وَأَطَعْنَا ۚ وَأُولَـٰئِكَ هُمُ الْمُفْلِحُونَ
– „Аллоҳ ва Унинг пайғамбарига ўрталарида ҳукм чиқариш учун чорланган вақтларида мўминларнинг сўзи «Эшитдик ва бўйинсундик», демоқдир. Ана ўшаларгина нажот топгувчилардир. Ким Аллоҳ ва Унинг пайғамбарига бўйинсунса ва Аллоҳдан қўрқиб, тақво қилса, бас, ана ўшаларгина (бахт-саодатга) эришгувчилардир“. (Нур 51;52)
Ҳизб ут-Таҳрирнинг Ўзбекистондаги медиа офиси
1 шаввол 1438ҳ
25 июн 2017м
