Роҳинга мусулмонлари ҳимояси Мьянма қалъаларини бузиб ташлаш билан бўлади, улардан ёрдам сўраш билан эмас
بِسْمِ اللَّـهِ الرَّحْمَـٰنِ الرَّحِيمِ
Роя газетаси:
Роҳинга мусулмонлари ҳимояси Мьянма қалъаларини бузиб ташлаш билан бўлади, улардан ёрдам сўраш билан эмас
Малайзия ва Исломий Ҳамкорлик ташкилоти озчилик ҳуқуқини ҳимоя қилишга чақирмоқда
Якшанба куни Ислом Ҳамкорлик Ташкилоти бош котиби Юсуф ибн Аҳмад Асимин Мьянма ҳукуматини мусулмон роҳинга этник озчилигига қарши содир этилаётган зўравонликларни тўхтатиш учун «аниқ ва кескин» қадамлар ташлашга чақирди.
Ислом Ҳамкорлик Ташкилоти баённомасида Мьянмадаги Роҳин вилоятида тобора мураккаблашиб бораётган бўҳрон «беайб инсонлар ўлимига ҳамда ўн минглаб роҳинганинг қочқинга айланишига» олиб келгани айтилади.
Бош котиб ўз баённомасида айни Ташкилотга аъзо давлатлар томонидан чиқарилган сўнгги баёнотларни қўллаб-қувватлашини, уларда роҳинга халқига нисбатан содир этилаётган зўравонликлар ва инсоний фожеалардан ташвиш изҳор этилганини билдирди. Кейин Ташкилот хартияси тақозосига кўра, унга аъзо давлатлар вазифаларидан бири «Ташкилотга аъзо бўлмаган давлатлардаги мусулмон жамоалар ҳуқуқларини ҳимоя қилишдан ҳамда ҳурмат-иззатларини ва диний, маърифий ўзликларини ҳимоя қилишдан» иборат эканини таъкидлади.
Баённомада Мьянма ҳукуматидан «ўзининг хавфсизлик манфаатлари борасида қонун устуворлигига риоя этиш ҳамда қурбонларга ёрдам кўрсатиш учун зарар кўрган минтақаларга инсонпарварлик ташкилотларининг киришига рухсат бериш» талаб қилинди.
Айни нуқтаи назарда, якшанба куни Малайзия бош вазири Нажиб Абдураззоқ ҳам ҳозирда Мьянма ҳукуматига раислик қилаётган, Тинчлик учун Нобель мукофоти совриндори Аун Сан Су Чжи хонимни мусулмон роҳинга этник озчиликка қарши содир этилаётган қатли ом масаласига аралашишга чақирди.
Куала-Лумпурда қилган маърузасида Малайзия бош вазири – Мьянма армияси Роҳин вилоятида ўтказаётган репрессив кампанияни тўхтатиши керак, деди. Сўнг масхараомуз тарзда «Аун Сан Су Чжи хонимнинг Тинчлик учун Нобель мукофоти олганининг нима фойдаси бор?!», деган савол ташлади.
Ўтган ҳафта БМТ ўн минг роҳинганинг юртларидаги зўравонликдан қочиб, ўтган ҳафталар мобайнида Мьянмадан Бангладешга сузиб ўтганларини очиқлади. (Ҳурра).
Роя газетаси шарҳи:
Роҳинга мусулмонларини Аракандаги тошга сиғинувчи бутпарастлар содир этаётган ирқий тозалаш ва геноцид кампаниясидан ҳимоя қилишни ўша бутпарастларнинг ўзидан илтимос қилинмайди, қалблари Ислом ва мусулмонларга нисбатан адоват билан тўлиб тошган бу кимсалардан раҳм-шафқат сўралмайди. Аксинча, уларнинг ҳимояси Бангладешдан бошлаб, то Покистон, Малайзия каби барча исломий юртлардаги мусулмон қўшинларни Мьянмадаги бутпарастлар истеҳкомларини бузиб ташлаш учун сафарбар қилиш ҳамда уларга мусулмонларга адоват қилиш кечирилмас жиноят эканидан сабоқ бериб қўйиш билан амалга ошади. Шундай қиладиганлар борми, эй исломий қўшинлар?!
Роя газетасининг 2016 йил 6 декабр чоршанба кунги 107-сонидан
