بِسْمِ اللَّهِ الرَّحْمَٰنِ الرَّحِيمِ

Россия Украина шарқида яна боши берк кўчага кириб қолди

Хабар:

Ташқи Ишлар расмий вакили Мария Захарова журналистлар билан учрашувда Украина қуролли кучларини 3 февралга ўтар кечаси Донецкни ўққа тутганини изоҳлади: “Бу ваҳшиёна ҳужумни ҳеч қандай сўз билан оқлаб бўлмайди. Киев ўз ҳаракатлари билан нафақат 1949 йил 12 августда қабул қилинган уруш вақтида фуқароларни ҳимоя қилиш тўғрисидаги Женева конвенциясини, балки барча ахлоқий нормаларни ҳам бузди. Уйқудаги шаҳарни бомбалаш, айбсиз инсонларни ўлдиришни фақат ваҳшийларгина содир этадилар. Тунда кутилмаганда бундай ҳужум қилган кимсаларни бошқача номлай олмаймиз”, – дея Захарова сўзларидан иқтибос келтиради ТАСС ахборот агентлиги.

Изоҳ: Агар Донецкнинг ўққа тутилишида қурбон бўлганлар ҳақида гапирилса, бошиданоқ Украина шарқининг бир қисмидаги қуролли қарама-қаршиликларга Киев ҳукумати билан Москванинг бевосита алоқаси бор эди, шунинг учун бу низода тинч аҳоли қурбонлари учун жавобгарлик Москванинг ҳам зиммасига тушади. Бошқа нарса одамни ҳайрон қолдиради, куни кеча Россия Ҳалабнинг бегуноҳ аҳолиси устига минглаб энг даҳшатли бомбалар ёғдирганидан кейин Захарованинг мунофиқларча ва ҳаёсизларча аҳлоқ нормалари ҳақида сўзлашга журъат этиши ҳайратланарлидир.

Бироқ энди Россия Сурияда ўзининг даҳшатли бомбалашларини амалга ошириб, АҚШнинг Яқин шарқ минтақасидаги сиёсатини қўллаб-қувватлаганидан сўнг Москва ўз чегараларини Американинг гегемонлик сиёсатидан яна ҳимоя қилишга мажбур бўлмоқда. АҚШнинг БМТ даги доимий вакили Никки Хэйли Украина шарқидаги низонинг кучайиши бўйича жавобгарликни Москва зиммасига юклади, Россияга қарши санкциялар то Қрим Украинага қайтарилмагунича амалда бўлишини ҳам қўшимча қилди.

Шундай қилиб, Донецкдаги низонинг кучайиши билан Москва ғарб санкцияларининг босими остида ўз амбициялари ва “Янги Россия” лойиҳасидан воз кечиб, Украина шарқида боши берк кўчага кириб қолган аввалги ҳолига қайтди. Санкцияларни юмшатилиши умидида Москва  Вашингтоннинг сиёсий манфаатларига мувофиқ тарзда Сурияда энг даҳшатли жиноятларни содир этди, бироқ бунинг ўрнига бутун Ислом Умматининг ғазаби ва АҚШга янада кўпроқ қарам бўлишга эришди холос.

Ҳизб ут-Таҳрирнинг Марказий ахборот офиси радиоси учун махсус

Сулаймон Ибрагимов

04.02.2017