بِسْمِ اللهِ الرَّحْمنِ الرَّحِيمِ

Матбуот баёноти

«Шоҳ Нуроний» мақбарасидаги портлаш

АҚШ ва Ҳиндистоннинг Афғонистонда туриши бадалини Покистондаги мусулмонлар ўз қонлари билан тўламоқдалар

2016 йил 12 ноябр шанба куни Балужистон вилояти Карачи шаҳридан 250 км. узоқликда жойлашган минтақадаги «Шоҳ Нуроний» мақбарасида бомба портлаши оқибатида 52 нафар инсон нобуд бўлди. Ҳизб ут-Таҳрир-Покистон вилояти ушбу ваҳшиёна амалиётни қаттиқ қоралайди ҳамда Аллоҳ Субҳанаҳу ва Таолога дуо қилиб, нобуд бўлганларни раҳмат қилишини, қариндошу яқинларига сабри жамил ато этишини сўрайди.

Бу ваҳшиёна ҳужум август ойидан бери содир этилган ва ўнлаб инсонни аёвсиз ҳалок этган ҳужумларнинг учинчисидир. Раҳил-Навоз режими одатдагидек ҳужумга Покистон билан Хитой ўртасидаги «CPEC», дейилаётган иқтисодий йўлакнинг душмани бўлган тарафни, яъни Ҳиндистонни айбламоқда ва бу билан жиноятчиларни ушлаш жавобгарлигини соқит қилишга уринмоқда, гўё халқ бундай мусибатларга рози бўлиши лозим, демоқчи!

Ҳизб ут-Таҳрирдан ҳукмдорларга савол: агар бунга Ҳиндистон жавобгар бўлса, у ҳолда, Ислом фарз қилганидек, нега бундай душман давлат билан алоқаларни узиб, унга нисбатан уруш ҳолатидаги давлатга қилинадиган муомалани қилмаяпсиз!? Агар Ҳиндистон айни жинояткорона амалиётларни содир этишда Афғон еридан фойдаланаётган бўлса, нега дарҳол АҚШ билан алоқани узмаяпсиз, ахир, айнан шу АҚШ Ҳиндистонга Афғон дарвозаларини очиб бердику, у ерда аввал кузатилмаган даражада мавжуд бўлиб туришига ва шу орқали Покистонга ҳужумлар уюштиришига йўл қўйиб бердику?!

Мусулмонлар тушуниб етмоқдалар, Пешовардаги ҳарбий билим юртига қилинган ҳужум устида ҳам, Қувайто (Кветта)даги полиция академиясига қилинган ҳужум устида ҳам ҳукумат жиддий тергов-суриштирув олиб бормади, сиёсий, ҳарбий ва фуқаровий муассаса раҳбарларидан бирортасидан ҳам бу ҳодисада эътиборсизлик қилгани учун ҳисоб талаб қилмади. Аксинча, ҳукмдорлар бу ҳодисалардан Исломга қарши фитна урушини кучайтиришда ҳамда Американинг минтақадаги манфаатларини ҳимоя қилишда фойдаланишмоқда. Мусулмонлар шуни ҳам англаб етмоқдаларки, Раҳил-Навоз режими айни ҳодисаларда Ҳиндистонни бевосита, Американи эса билвосита айблаётган бўлса-да, бироқ у Афғонистонда Американинг мавжуд бўлиб туриши учун сиёсий ва ҳарбий жиҳатдан ёрдам беришга кечаю кундуз тинмай ҳаракат қилмоқда, Афғон ерларини Ҳиндистонга очиб бермоқда.

То Ислом ва мусулмонлар душмани бўлган АҚШ ва Ҳиндистон каби давлатлар Афғонистондан қувиб чиқарилмас экан, бу каби ҳодисалар ҳаргиз тўхтамайди. Раҳил-Навоз режими уларни ҳаргиз қувиб чиқармайди, чунки у мусулмонларга «шерюрак» бўлса, ҳақиқий душман олдида эса қуёндир. Шу боис уни мусулмонларнинг АҚШ ҳукмронлигига рози бўлишлари учун уларни репрессия қилаётганига, душманлар олдида заиф позицияда турганига гувоҳ бўляпмиз. Шунинг учун Покистондаги мусулмонлар Ҳизб ут-Таҳрирга унинг юртда Пайғамбарлик минҳожи асосидаги рошид Халифалик давлатини барпо этиш ишида албатта ёрдам бермоқлари лозим. Чунки ёлғиз рошид Халифалик давлатигина бизнинг Америка ва Ҳиндистонга бўлган алоқаларимизни узиб, исломий қуролли кучларни бу икки душман давлатни минтақадан чиқариб ташлашга ва тинчлик, хавфсизлик ўрнатишга сафарбар қилади. Аллоҳ Таоло бундай дейди:

وَقَاتِلُوهُمْ حَتَّى لاَ تَكُونَ فِتْنَةٌ وَيَكُونَ الدِّينُ لِلّهِ

«То фитна тугаб, ушбу дин Аллоҳ учун бўлгунга қадар уларга қарши жанг қилинг!»    [Бақара 193]

Ҳизб ут-Таҳрирнинг Покистондаги матбуот бўлими