Сиз эришган барча нарса бахт бўлавермайди

بِسْمِ اللهِ الرَّحْمٰنِ الرَّحِيم

Дунёдаги машҳур миллиардерлардан бири, Apple компанияси асосчиси, 56 ёшида ошқозон раки билан вафот этган Стив Жобс умрининг сўнгги лаҳзаларида шундай деди:

“Тадбиркорлик соҳасида улкан натижаларга эришдим, одамлар наздида менинг ҳаётим омад ва муваффақиятлардан иборат. Аммо мен ҳозир ўлим тўшагида ётган чоғимда ҳаётимни сарҳисоб қилмоқдаман. Шуни тушуниб етдимки, бойликларим маъносиз бўлиб, ўлимим олдида арзимас, қадрсиз нарса. Сиз машина, уй-жой сотиб олишингиз мумкин, аммо мендаги мен чекаётган азоб ҳиссини сотиб ололмайсиз. Моддий нарсаларни сотиб олиш мумкин, аммо ҳаётни сотиб олишнинг имкони йўқ”.

Аввало, шуни эслатиб ўтмоқчиманки, Ислом инсонларни бой бўлишдан, камолий эҳтиёжларини қондиришдан қайтармайди. Аксинча, Аллоҳ Таоло иймон эгаларини намоз ўқишга тарғиб қилган чоғида закот беришга, дунё матоларидан насибадор бўлишга чақиради. Эътиборингизни қаратмоқчи бўлган жиҳат шуки, дунё бойликлари билан мағрур бўлиб, берилган умрингизни шу арзимас дунё эвазига ўтказиб юборишдан эҳтиёт бўлишга чақирмоқчиман. Аллоҳ Таоло бу ҳақда шундай дейди:

 وَابْتَغِ فِيمَا آتَاكَ اللَّهُ الدَّارَ الْآخِرَةَ وَلَا تَنسَ نَصِيبَكَ مِنَ الدُّنْيَا وَأَحْسِن كَمَا أَحْسَنَ اللَّهُ إِلَيْكَ وَلَا تَبْغِ الْفَسَادَ فِي الْأَرْضِ إِنَّ اللَّهَ لَا يُحِبُّ الْمُفْسِدِينَ

– “Ўшанда қавмдошлари унга: “Ҳовлиқмагин, чунки Аллоҳ ҳовлиқма кимсаларни суймас. Ва Аллоҳ сенга ато этган мол-давлат билан (аввало) охират (ободлигини) истагин ва дунёдан бўлган насибангни ҳам унутмагин. Аллоҳ сенга эҳсон қилгани каби сен ҳам (Аллоҳнинг бандаларига) инфоқ-эҳсон қил. Ерда (зулму-зўравонлик билан) бузғунчилик килишга уринма. Чунки Аллоҳ бузғунчи кимсаларни суймас”, дедилар”. (Қасос:77)

Ҳеч ким бу дунёга устун бўла олмаса-да, ҳар бир онгли инсон ҳаёти давомида ўзгалардан кам бўлмаган ҳолда умр кечиришга интилиши табиий ҳол. Сабаби, инсондаги бақо ғаризаси яхши яшаш учун харакат қилишга ундайди. Ушбу ундов туфайли инсон фарзанди то умрининг охиригача мулкка эгалик қилиш ва уни ўстиришга тинимсиз ҳаракат қилади. Баъзида инсон ушбу ҳаракати туфайли қўлга киритган моддий бойликларига мағрурланиб, ўзини бахтли одам, деб фараз қилади. Мол-дунёнинг кўплигини  бахт, деб биладилар. Баъзида ушбу бахт деб билганлари ўз соҳибига шу дунёнинг ўзида азоб келтирмоқда, охири йўқ машаққатларга гирифтор қилмоқда. Аллоҳ Таоло Ўз каломида шундай дейди:

فَلاَ تُعْجِبْكَ أَمْوَالُهُمْ وَلاَ أَوْلاَدُهُمْ إِنَّمَا يُرِيدُ اللّهُ لِيُعَذِّبَهُم بِهَا فِي الْحَيَاةِ الدُّنْيَا وَتَزْهَقَ أَنفُسُهُمْ وَهُمْ كَافِرُونَ

– “Бас, сизни уларнинг молу дунёлари ва бола-чақалари қизиқтирмасин! Чунки Аллоҳ ўша нарсалар сабабли ҳаёти дунёда уларни азоб-уқубатга солишни ва кофир бўлган ҳолларида жонлари чиқишини истайди, холос”. (Тавба:55)    

Хулоса ўрнида айтамизки, бахт-саодат мол-дунёга эгаликда ёки инсон эҳтиёжларини қондиришда эмас. Эҳтиёжларнинг қондирилишидан бахт ва саодат вужудга келмайди. Балки Ислом кишисининг тушунчасидаги бахт бутун оламлар Роббиси бўлган Аллоҳнинг розилигига эришмоқликдир. Бу Ислом дунёқарашининг асосидир.

Ҳизб ут-Таҳрирнинг Ўзбекистондаги медиа офиси. Зайниддин

19.06.2020й