Матбуот баёноти

Судандаги қуролли тўдалар «касаллиги» энди шимолга ҳам тарқалмоқда!

2025 йил 27 июн жума кунидан бошлаб оммавий ахборот воситаларида қуйидаги хабар тарқалмоқда: «Эритрея президенти Исайяс Афворки шимолий вилоят ва Нил вилоятидан бўлган 50 минг нафар жангчини илғор ҳарбий тайёргарликдан ўтказишга розилик билдирган. Бу эса Жуба тинчлик келишувидаги Шимол йўналиши раҳбари ва Шимолдаги сиёсий вужуд раҳбари Муҳаммад Сайид Аҳмад Жакумийнинг талабига биноан амалга оширилган».

Биз бундай фожиали хабарга нисбатан ҳукуматнинг муносабати ва позициясини билиш учун 2025 йил 29 июн якшанба кунигача кутдик. Бироқ жавоб жуда ҳайратланарли бўлди: Шимолдаги сиёсий вужуд раҳбари матбуот манбаларидан бирига – ҳарбий кучларни тайёрлаш масаласи ҳақида армия ва хавфсизлик идораларига хабар берилган, деди. У ҳатто «биз улар билан келишилган ҳолда иш олиб боряпмиз ва уларнинг розилигисиз ҳеч қандай қадам ташлай олмаймиз», дея қўшимча қилди!

Бу эълон Суданнинг бўлинишига оид хавотирли белгилар намоён бўлаётган бир пайтда қилинди. Зеро, Тезкор қўллаб-қувватлаш кучлари Дарфур вилоятларини назоратга олган бўлиб, у муқобил ҳукумат эълон қилиш билан таҳдид қилмоқда. Шу билан бирга, сиёсий баёнотларда минтақачилик ва ирқчилик ҳукмрон, ҳокимият эса квоталар ва улушлар асосида тақсимланмоқда. Айнан шу вақтда Бурҳон ҳам «Ҳар бир ҳудуд учун алоҳида қуролли тўда» шиорини илгари сурмоқда. Бу эса ҳар куни янги бир қуролли тўда пайдо бўлишига сабаб бўляпти! Бундан ҳам хатарлиси, айни қуролли тўдалар ўз аъзоларини хорижда, яъни Эритреяда ҳарбий тайёргарликдан ўтказмоқда. Аҳмад Жакумий баёноти ҳам айнан шу контекстда юзага чиқди!

Биз, Ҳизб ут-Таҳрир – Судан вилояти, бизни ҳайратга солган ушбу хабар муносабати билан қуйидагиларни қатъий таъкидлаймиз:

Биринчидан: Шу пайтгача биз қуролли гуруҳларнинг юқумли касал каби юқиб-кўпайиб кетиши хавфидан қайта-қайта огоҳлантириб келдик. Чунки улар давлатни вайрон қилувчи бир машина бўлиб, Суданни минтақачилик ва ирқчилик фитналари орқали парчалаб ташлашни мақсад қилган мустамлакачи кофирнинг ўлкамизга кириб келишига йўл очади. Мана энди бу абсурд саҳна Шимолий Суданнинг ҳам бошқа минтақалар каби ўз жангари тўдаларига эга бўлиши билан уланиб кетяпти!

Иккинчидан: Росулуллоҳ ﷺнинг қуйидаги ҳадисларига кўра, Ислом қабилачилик ва жоҳилий байроқлар остида жанг қилишни қатъий ҳаром қилган:

«وَمَنْ قَاتَلَ تَحْتَ رَايَةٍ عُـمِّيَّةٍ، يَغْضَبُ لِعَصَبَةٍ، أَوْ يَدْعُو إِلَى عَصَبَةٍ، أَوْ يَنْصُرُ عَصَبَةً، فَقُتِلَ فَقِتْلَةٌ جَاهِلِيَّةٌ»

«Кимда-ким қабилачилик асосида ғазабланиб, ёки унга чақириб, ёки уни ҳимоя қилиб, (ҳақ ёки ноҳақлиги маълум бўлмаган) кўрлик байроғи остида жанг қилса ва шу йўлда ҳалок бўлса, у жоҳилият ўлимини топган бўлади». (Муслим ривояти).

Учинчидан: «Гап қайси жангарилар ҳақида бўлсин-бўлмасин, улар албатта армия қўмондонлиги остида бўлади» деган баёнотга келсак, бу қасддан чалғитишдан бошқа нарса эмас. Чунки бундай ишлар бошида доим шу баҳона билан бошланади-да, кейин оқибати жуда ёмон бўлади. Тезкор қўллаб-қувватлаш кучлари – қуролли гуруҳлар тузиш борасида энг ёмон намуна сифатида қаршимизда турибди.

Тўртинчидан: Ҳукумат бундай қилмиши билан қонли чегаралар режасини мустаҳкамлашга ва янги америкача Сайкс-Пико режасини амалга ошириш орқали Суданнинг қолган қисмини ҳам бўлиб ташлашга ҳаракат қилмоқда.

Судан армиясининг вазифаси шундан иборат бўлиши керакки, у мамлакат бўйлаб тарқалган барча қуролли гуруҳларни зудлик билан фақат ўз байроғи остида бирлаштириб, уларни ягона, кучли ва давлат ҳукмронлигини тиклай оладиган армияга айлантириши лозим. Сўнг Пайғамбарлик минҳожи асосидаги иккинчи рошид Халифаликни барпо этиш учун Ҳизб ут-Таҳрирга нусрат-ёрдам бериши даркор. Ана шунда Уммат буюк Ислом асосида бирлашади, Ислом аҳкомлари ҳаётга татбиқ этилади ва кофир мустамлакачининг нуфузи нафақат Судандан, балки бутун мусулмон юртларидан бутунлай йўқ қилинади.

﴿يَٰٓأَيُّهَا ٱلَّذِينَ ءَامَنُواْ ٱسۡتَجِيبُواْ لِلَّهِ وَلِلرَّسُولِ إِذَا دَعَاكُمۡ لِمَا يُحۡيِيكُمۡ﴾

«Эй мўминлар, Аллоҳ ва Росули сизни абадий ҳаёт берадиган нарсага даъват қилар экан, уни қабул қилинглар»                                                 [Анфол 24]

Иброҳим Усмон (Абу Халил)

Ҳизб ут-Таҳрирнинг Судан

вилоятидаги расмий нотиғи