Тунис президенти Қайс Саидга: Умар ибн Хаттобни ўзига намуна қилган киши шунга амал қилмоғи даркор
بِسْمِ اللهِ الرَّحْمٰنِ الرَّحِيمِ
Тунис президенти Қайс Саидга: Умар ибн Хаттобни ўзига намуна қилган киши шунга амал қилмоғи даркор
Тунис президенти доим саййидимиз Умар ибн Хаттоб розияллоҳу анҳунинг сўзларидан мисоллар келтириб, ҳокимиятда уни ўзига намуна қилиб олганини даъво қилади. Кеча чоршанба куни ҳам Тунис судларидаги порахўрлик ҳақида гапираётиб шундай қилди.
Ўз навбатида, Ҳизб ут-Таҳрир – Тунис вилояти матбуот бўлими чиқарган баёнотида бунга нисбатан қуйидагиларни таъкидлади:
«Қайс Саиднинг амаллари Умар Форуқ розияллоҳу анҳунинг амалларига тескари. Умар розияллоҳу анҳу Аллоҳнинг шариати ва Росулининг суннатларини татбиқ қилишда жуда қатъий турган. Президент Саид эса, Аллоҳ нозил қилган аҳкомлар билан ҳукм юритмасликда қатъий турибди. У конституцияга амал қилиши ва унинг татбиқ этилишига кафил эканини бир неча марта таъкидлаган, ваҳоланки, бу конституция яҳудий Нуҳ Фельдман таълимотлари асосида тузилган! Умар Форуқ розияллоҳу анҳу Ислом ва Халифаликни қаттиқ авайлаб асраган. У Абу Бакр розияллоҳу анҳунинг Халифалигига байъат қилганларнинг биринчиси бўлган. Ўзининг машҳур сўзларида «Ислом жамоасиз бўлмайди, жамоа амирликсиз бўлмайди, амирлик итоатсиз бўлмайди», деган. Аммо президент Саид Қайс замонида эса, Ислом бошқарувдан суриб ташланяпти, унга даъват қилганларга қарши курашиляпти, Ҳизб ут-Таҳрир аъзолари қамоққа олиниб, Пайғамбарлик минҳожи асосидаги Халифаликни барпо қилишга ҳаракат қилганликда айланмоқдалар!».
Баёнотда қуйидаги саволлар берилди:
«Шундай зулм олдида президент Саид қайда қолди?! Ахир, Умар ибн Хаттоб Исломга даъват қилганларга ёрдамчи, бу даъватга қарши турганларга душман бўлганлар-ку?! Бу борада Абдуллоҳ ибн Масъуд «Биз Умар Исломга киргандан бошлаб доим кучли бўлдик», деган».
Матбуот баёнотида яна бундай дейилди:
«Умар ибн Хаттоб розияллоҳу анҳунинг сийратлари номаълум эмас, ҳаммага маълум. У одамларни куфр билан бошқармаган, душманларга ялтоқлик қилмаган, уларни рози қилишга уринмаган. Юртларимиз, сувларимиз, ҳаволаримизни, душманга очиб бермаган, бойлик ва ресурсларимизни талашларига йўл қўймаган. Йўқ. У Ислом, Халифалик ва уларга даъват қилувчиларга нусрат-ёрдам берувчи бўлган. Қайс Саид Умар розияллоҳу анҳудан ўрнак олмоқчи бўлса, биринчи қадамини Халифалик лойиҳасига нусрат-ёрдам беришдан бошламоғи даркор. Бу эса, Халифаликни барпо этиш, Исломни татбиқ қилиш, юртни демократия ва ажнабий нуфуздан тозалаш учун ҳокимиятни Ҳизб ут-Таҳрирга топшириш билан бўлади».
Роя газетасининг 2020 йил 29 июл чоршанба кунги 297-сонидан
