بِسْمِ اللَّـهِ الرَّحْمَـٰنِ الرَّحِيمِ

Қўзғолонни хотирлаб

Ғафлатда қолганлар қачон кўзларини очадилар?!

Шубҳасиз, Шомдаги муборак қўзғолон бошлангандан буён бутун дунё давлатлари унга нисбатан душманона позицияни эгаллаб, макр қилиб келишди. Бутун дунё давлатлари, ўзаро тил бириктириб, бу муборак қўзғолон йўлига чоҳ қазишди. Ўзаро ролларни тақсимлаб олишганидан кейин иккига бўлиниб, шаклда ихтилоф қилишди, мазмун-моҳиятда бирлашишди. Бири Шом тоғути тарафида туриб, уни қўллаб-қувватлаган бўлса, иккинчиси қўзғолон тарафдорлари ва дўстлари эканини даъво қилди… Мақсад, қўзғолонни эгаллаб, жиловлаб олиш, сўнг уни зулматли тақдир (яъни Американинг сиёсий ечими) сари мажбуран ҳайдаб бориш эди. Буларнинг барчаси кундек аён бўлиб, ҳеч бир ғайриоддий ери йўқ. Чунки ҳақ билан ботил ўртасидаги кураш давом этмоқда. Ҳақ аҳлига қарши макр қилиш сиёсати ҳануз тўхтагани йўқ.

وَقَدْ مَكَرُوا مَكْرَهُمْ وَعِندَ اللَّـهِ مَكْرُهُمْ وَإِن كَانَ مَكْرُهُمْ لِتَزُولَ مِنْهُ الْجِبَالُ

«Дарҳақиқат, улар ўзларининг макрларини қилдилар. (Лекин) агар уларнинг макрлари сабабли тоғлар емирилиб кетадиган бўлса-да, уларнинг (бу) макр-ҳийлалари Аллоҳ ҳузурида (маълумдир)»      [Иброҳим 46]

Шом аҳлига қарши турган давлатлардан кўра, унга дўстлик изҳор қилган давлатларнинг хатари кўпроқдир. Бу «дўст»лар турли услубларни ишга солиб, айрим гуруҳ етакчиларини қаттиқ ғафлатда ухлатишга муваффақ бўлишди, аввал уларни сулҳ ва музокаралар йўлига солгач, сўнг «нусрат», «озодлик» каби хомхаёллар оғушига ғарқ қилди.

يَعِدُهُمْ وَيُمَنِّيهِمْ ۖ وَمَا يَعِدُهُمُ الشَّيْطَانُ إِلَّا غُرُورًا

«(Шайтон) уларга ваъдалар берур, хомхаёлларга мубтало қилур. Охир-оқибатда шайтон берган ваъдалар фақат ёлғон-сароб бўлиб чиқар»                [Нисо 120]

Бу етакчилар – кофир Ғарб улардаги орзуни амалга ошишига ҳаргиз йўл қўймаслигидан ва музокаралар макру алдов услубларидан бири эканидан ўзларини унутганга солди. Ана, уларнинг кўз ўнгида Фаластиннинг аҳволи бунга мисол бўла олади. Музокаралар Фаластин аҳли ҳуқуқларидан бир озгинасини бўлса ҳам қайтариб бердими?! Қуруқ орзу-истаклар уларни нималарга элтди?!

Эй Ислом диёри маркази бўлмиш Шомдаги мусулмонлар!

Мана, қўзғолонингиз бошланганига ҳам роса етти йил бўлди. Минг афсуски, бу қўзғолон жарликка қулаб, ўзининг мустаҳкам асосларидан тойилди, шиорларидан ҳоли қолди. Шом тоғутига қарши бўлган жанг ўзаро жангга айланди. Охир бориб, золимлар хотиржам, мазлумлар эса қўрқувда қолди… Бас энди, қачон ғофиллар кўзларини очадилар?! Майиб-мажруҳлар инграши, тул хотинлар ноласидан қачон уйғониб, анави «қўллаб-қувватловчи» давлатлар билан алоқани буткул узадилар, қачон Роббул оламин чақириғини қабул қиладилар?! Қачон қўзғолонни тирилтириш учун музокара уйқусидан кўз очадилар, қачон?!

Биз қўзғолонимиз муваффақияти қаерда эканини қачон тушуниб етамиз, ахир, то Аллоҳнинг арқонини маҳкам ушлаб, қўзғолоннинг мустаҳкам асосларига қаттиқ амал қилиб, Ҳизб ут-Таҳрир аъзолари тақдим этаётган ва ақидамиздан балқиб чиққан лойиҳани қабул қилмас эканмиз, қўзғолонимиз ҳаргиз муваффақиятга эришолмайдику?! Ахир, Ҳизб аъзолари кемамизни ғарқ бўлмасидан олдин қутқариб қолиш ва қулаш арафасида турган деворни тиклаб қўйиш учун кечани-кеча, кундузни-кундуз демай фаолият олиб бормоқдаларку?! Шундай бўлгач, кофир Ғарб қўзғолонингизни адаштириб, йўқ қилиш ва қонхўр, ювиндихўр режимни сақлаб қолиш мақсадида ясаб берган сиёсий етакчилардан қўлни ювиб, қўлтиққа уриш ҳамда етакчиликни ишончли холис кишилар қўлига топшириш пайти аллақачон келди. Бу холис кишилар ишларни ўз оқимига қайта юргизиб, қўзғолон компасини соғлом йўлига қайтарадилар. Шубҳасиз, бу йўл қонхўр режимни ағдариб, ўрнига Росулуллоҳ САВ башорат қилган Пайғамбарлик минҳожи асосидаги иккинчи рошид Халифаликни барпо қилиш йўлидир. Бу дунёда куч-қудратга элтадиган ва охиратда зафар келтирадиган йўл, Аллоҳ ҳаққи, мана шудир.

لِمِثْلِ هَـٰذَا فَلْيَعْمَلِ الْعَامِلُونَ

«Бас, амал қилгувчилар мана шунинг учун амал қилсинлар!»          [Соффат 61]

وَاللَّـهُ غَالِبٌ عَلَىٰ أَمْرِهِ وَلَـٰكِنَّ أَكْثَرَ النَّاسِ لَا يَعْلَمُونَ

«Аллоҳ Ўз ишида ғолибдир лекин одамларнинг кўплари (буни) билмайдилар»     [Юсуф 21]

Ҳизб ут-Таҳрир-Сурия вилояти матбуот бўлими

Skype: TahrirSyria

Электрон почта: media@tahrir-syria.info – ahmadabdalwahab2@gmail.com

Сурия вилояти расмий сайти: www.tahrir-syria.info