Ўзбекистон ғариблари тирикмикан?

Тақиллатиб уйларига бориб кўринг

Ич қиздириб юрагини ёриб кўринг

Қўлидаги телефонни олиб кўринг

Ўзбекистон ғариблари тирикмикан?

Ухлаётган, ширин-шакар тушдамикан?

Уйғотишни тўғри йўли муштдамикан?

Кўчадами, “ичкарида”, “уй”дамикан?

Водий, воҳа ғариблари тирикмикан?

“Ўтган йили чиққанди” деб эшитгандик

“Чиқсак албат учрашамиз…” келишгандик

Уммат зийрак, худди бизни кутишгандек

Ҳеч бўлмаса ғоялари тирикмикан?

Омонмикан, ё “ишлар”дан тўйдимикан?

Иймонини “зарядка”га қўйдимикан?

Каффоратга битта жонлиқ сўйдимикан?

Эрта чиққан “ғарибларим” тирикмикан?

Юргандирда Россияда “такси” қилиб

Яна бири Стамбулда “сельфи” қилиб

Байтуллоҳни соғингани умра қилиб

Ҳеч бўлмаса ғоялари тирикмикан?

Мумтозбегим, хавотиринг билди аканг

Билсанг агар акаларинг шундан тажанг

Қалбинг фатх этсак эдик, қилмасдан жанг

Тожмаҳалинг меъморлари тирикмикан?

Кута-кута, сабр-коса тўлди-ку, воҳ

Тезроқ келса бўлмасмикан, Нусратуллоҳ

Ё каммикан 56 олампаноҳ

Ҳеч тинчима, излан, ўрган, эй, Абдуллоҳ

Ноибликни ҳақиқийси тирикмикан?

Тирик бўлса эълон қилиш керакмикан?

Салохиддин Айюбий