Ўзбекистон ўз фуқароларининг Украина урушида қатнашишига кўз юмиб келган

بسم الله الرحمن الرحيم

Хабар: Vetta телеканали эълон қилган видеода “Пермь ўлкаси ўзбекларининг Марказий Осиё жамияти” етакчиси Жаҳонгир Жалолов шундай таклифни илгари сурган:

“Фарзандларимиз болалар боғчаларига боришяпти, мактаб ва университетларда таълим олишмоқда. Биз Россияда яшаяпмиз, ишлаяпмиз. Еган нонимизни оқлашимиз керак, оқлашимиз шарт. Шу боис кўнгиллилардан батальон тузишни ва унга буюк Амир Темур номини беришни таклиф қиламан”.

Жалолов минбардан туриб, ҳамюртларини ушбу ташаббусни қўллаб-қувватлашга ва батальонга қўшилишга чақирган. Залда ўтирган ўнлаб киши Жалолов таклифини қарсаклар билан олқишлайди.

Амир Темур батальони тузиш ҳақидаги видео тарқалганидан ярим кун ўтиб, Ўзбекистон Ташқи меҳнат миграцияси агентлиги Перьмдаги ўзбекларни огоҳликка чақирди.

Агентлик Ўзбекистон фуқароларидан бундай даъватларга эргашмасликни, зиддиятли ҳудудларга бормасликни ва ҳарбий ҳаракатларда иштирок этмасликни сўрайди.

Агентлик бундай ҳаракат Ўзбекистон Жиноят кодексининг 154 -моддаси билан малакаланиб, беш йилгача қамоқ жазоси кўзда тутилганини эслатган.

Изоҳ: Ўзбекистон Ташқи меҳнат миграцияси агентлиги тезлик билан мурожаат йўллаб, Россиядаги фуқароларни қамоқ жазоси билан огоҳлантиргани бу ишда фақат ҳукумат манфаатлари ҳимоя қилинаётганини кўрсатади. Шу нарса аниқки, агарда ўзбеклар батальонини тузиш ташаббуси телевидение орқали берилмаганда ва бу хабар ижтимоий тармоқларни ларзага келтирмаганда Ўзбекистон тарафи бундай мурожаатни йўлламас эди. Боиси Россия воқесидан озмунча хабардор одам яхши биладики, Украина уруши бошланганидан буён Ўзбекистонликлар урушга ёлланиб келиняпти. Украинада ҳам ўзбеклар жангларда қатнашяпти. Бундан Ўзбекистон тарафини бехабар, деб бўлмайди. Ўзбек ҳукумати Ғарбнинг қора рўйхатига тушмаслик ва Путинни норози қилмаслик учун ўзбекистонликларни урушга ёлланиб ёки кўнгилли сифатида қатнашаётганига панжа орасидан қараб келяпти. Агар ҳукуматни одамларимизнинг уруш майдонларида ҳалок бўлиши ёки майиб-мажруҳга айланиши заррача қайғуга солганида, уларни қамоқ жазоси билан таҳдид қилмаган, аксинча уларни қўлига қурол олишга мажбур қилаётган муҳтожликларини кетказишга ва улар интилаётган манфаатларга тўғри йўлдан эришишига кўмаклашган бўларди. Халқимизда «Бошлиқ бўлиш осон, бошламоқ қийин» деган мақол бор. Ўзбекистон ҳукумати ҳам мусулмон халқнинг устига бошлиқ бўлиб олган. Бу халқни унинг қадриятлари асосида юксак ғоялар ва марралар сари етаклашдан эса ожиздир. Уни ожиз қилган нарса: кофирлар бизни ўзига ўхшатиш учун Ўзбекистонга қабул қилдирган демократик куфр тузумидир. Бу тузум ўзбек халқининг қадриятлари ва ўзлигининг манбаи бўлган Ислом динини давлатдан ва ҳаёт ишларидан четлатгани учун халқимизга куфр давлати фойдасига унинг қўшинида хизмат қилиш ҳаром эканлигини айтиш ҳам таъқиқланган.

Бу мустабид тузум халқимиз онгига ва фаолиятига шундай чегаралар қўйдики, ҳатто имомларнинг маърузалари ҳам фақат Ўзбекистон фуқароларига қаратилган бўлиб қолди. Бу маърузаларда оят ва ҳадислар давлат мустақиллиги ва суверенитетини қадрлаш ҳамда республика чегараларини мустаҳкамлаш мўминларнинг бурчидир, дея таъвил ва тафсир қилинмоқда. Бугина эмас, ҳукумат демократик тузум ёрдамида халқимизни онгли равишда онгсиз қилди. Бу ҳақиқатни бошқарувга келган пайтида Мирзиёевнинг ўзи ҳам тасдиқлаган. Ҳозирда ҳам ҳукумат бир тоифани жиноятчига чиқарса, ўша айбланаётган тарафни ўрганиб чиқмасдан Каримов давридагидек ҳақорат қилишга киришиб кетилаётгани, ўша онгсизлаштириш сиёсати давом этаётганини кўрсатади.

Эй мусулмонлар!

Сиз мамлакатдаги зулм, адолатсизлик ва қашшоқлик сабабли бошқа юртларда қадр-қиммат ва фаровон ҳаёт излаб дунёнинг ҳар тарафига тарқалиб кетдингиз. Шу билан бирга, хорижда ишлаб юртингизда оилангиз учун фаровон ҳаётни тиклашни мақсад қилмоқдасиз. Мана шу мақсаднинг натижаси ўлароқ, Ўзбекистонга ҳар йили рекорд даражада пуллар жўнатилмоқда. Бироқ бу рекордлар ҳаёт даражангизни юксалтирмаётгани ва фаровон ҳаёт билан таъминламаётгани учун сиз ҳозирда дунёнинг исталган жойида обрў-эътиборга, қадр-қиммат ва кенг имтиёзларга эга бўлиш учун Ғарб давлатлари ёки Россия фуқаролигини олишга ҳаракат қиляпсиз. Шуни унутманг-ки, бу давлатлар ўзининг фасод мафкуралари ва бузуқ маданиятини тарғиб қилиш орқали халқларни ўзига эргаштиради ҳамда бегуноҳ инсонларни қирғин қилиш ва бойликларини талон-тарож қилиш билан иқтисодини оёқда ушлаб туради. Бу давлатларнинг фуқароси бўлиш ёки у ерларда яшаш мусулмон авлоднинг бой берилишига олиб келади. Уларнинг улкан жиноятларига қарши чиқмаслик мусулмонни бу қилмишларга шерик қилади.

Сиз мусулмонсиз, сиз ҳаёт ва ундаги ишлар хусусида ўзига хос тушунчалар берувчи буюк динга мансубсиз. Шунинг учун ҳам сизнинг ҳурмат-обрўингиз, қадр-қимматингиз Исломга қанчалик амал қилганингизга боғлиқдир. Динимизга кўра, мусулмонларнинг хоҳ Украина, хоҳ Россия тарафда туриб жанг қилишлари ҳаромдир. Бу йўлда топилган ҳар қандай манфаат ҳам ҳаром. Бу йўлда ўлганлар шаҳид бўлмайди, агар бир мусулмон қарши тарафдаги мусулмонни қасддан ўлдирса, абадий жаҳаннамга киради. Шундай экан, сизнинг олдингизда ўзлигингизни, Исломий покиза ҳаётни ва оламий куч-қудратни берадиган Рошид Халифалик давлатини тиклашдан ўзга йўл йўқ! Бу муборак давлат мусулмонларни пул учун нафақат кофирлар армиясига ёлланишига, балки иш излаб хорижга боришига ҳам йўл қўймайди. Яратганнинг ҳукмларини ҳаётда жорий қилувчи мана шу давлатнинг йўқлиги сабаб инсоният қаттиқ изтироб ва саросимада, эртанги кунидан ноумид ҳолда яшамоқда. Шунинг учун бу давлатни тиклаш бутун борлиққа яхшилик эшикларини очиш демакдир.

Ҳизб ут-Таҳрирнинг Ўзбекистондаги матбуот бўлими аъзоси Абдураҳмон

24.08.2022й