Яқинда Керри Москвага сафар қилиб, ўзаро муносабатларни ва Сурия бўҳронини муҳокама қилмоқчи
بسم الله الرحمن الرحيم
Роя газетаси:
Яқинда Керри Москвага сафар қилиб, ўзаро муносабатларни ва Сурия бўҳронини муҳокама қилмоқчи
2016 йил 19 март куни ал-Жазира сайти хабарига кўра, Америка ташқи ишлар вазири Жон Керри рус масъуллари билан Сурия бўҳронини муҳокама қилиш учун жорий йилнинг 23-24 март кунлари Москвага сафар қилади. Россия ташқи ишлар вазирлиги ўз баёнотида Керри сафари бу давлатлар ўртасидаги икки томонлама муносабатларни яхшилашга ҳисса қўшишига умид қилишини билдирди ва бу алоқаларни «ҳануз мураккаб», дея атади. «Биз Америка ташқи ишлар вазири Жон Керрининг – бир йилда учинчи марта бўлаётган – айни Россия сафарини Америка-Россия алоқаларини нормаллаштиришга ҳисса қўшишидан умидвормиз», дейилади Вазирлик чиқарган баёнотда.
Баёнотда Сурия курашини ҳал этиш мубоҳасада ўртага ташланадиган мавзуларнинг асосийси бўлиши ҳам айтилади. Америка ахборот агентлиги Ассошиэйтед Пресс ўзининг яқинда Москвадан чиқарган аввалги ҳисоботида таъкидлашича, Керри ўз зиёрати чоғида Россиянинг Суриядан кучларини олиб чиқиб кетишга бўлган ҳаракати ҳамда фуқаровий урушда вайрон бўлган Суриядаги сиёсий ўтиш даври борасида мубоҳаса олиб боради. Керри ўтган сешанба куни ўзининг ташрифи мобайнида рус президенти Владимир Путин билан учрашажагини ҳам айтди. У бир-бирига қарши жанг қилаётган гуруҳлар ўртасида юз бераётган сўнгги ўзгаришлар асосида Женевада ўтувчи тинчлик музокараларида олдинга силжиш бўлишига умид билдирди. Кейин Керри «айни музокара жараёнида ғоят муҳим босқичга етиб бордик», дея қўшимча қилди.
Роя газетаси шарҳи:
Шуни эслатмоқ лозимки, Керрининг Москва сафари Путиннинг Суриядан ўз кучларини олиб чиқиб кетиш тўғрисидаги қарори эълон қилиниши ортиданоқ хабар қилинди. Бу эса Америка-Россия муносабатларининг чуқурлашаётганига далолат қилади. Сурия майдонидаги воқеа-ҳодисалар жараёнини кузатиб бораётган ҳар қандай кишига шу нарса очиқ маълумки, Россия Сурияга Американинг рухсати билан кирди ва унинг қисман чиқиб кетиши ҳам шу тарзда бўлди. Шундай қилиб Россиянинг қисман чиқиб кетиши Женева музокараларини кучайтиришга ва мухолафатнинг музокараларни давом эттиришига йўл очади. Шу боис бир неча мухолафатчилар Россия шаънига мақтовлар ёғдиришди, унинг шунча қилган қирғинидан кўз юмишди…
Керрининг Россия сафари Сурия қўзғолонига қарши нопок тил бириктирувларни яна давом эттиришдан бошқа нарса эмас. Улар қўзғолончиларнинг «Аллоҳ учун, Аллоҳ учун», дея ҳайқириб кўзлаган мақсадларидан адаштиришни кўзлашмоқда.
Инша Аллоҳ, Ислом душманлари ўз тил бириктирувларини ҳаргиз амалга оширолмайдилар, аксинча, охиратдан олдин бу дунёнинг ўзида ҳам шармандаликка юз тутадилар.
وَاللَّـهُ غَالِبٌ عَلَىٰ أَمْرِهِ وَلَـٰكِنَّ أَكْثَرَ النَّاسِ لَا يَعْلَمُونَ
«Аллоҳ Ўз ишида ғолибдир лекин одамларнинг кўплари (буни) билмаяптилар» [Юсуф 21]
Роя газетасининг 2016 йил 23 март чоршанба кунги 70-сонидан
