Жамиятимиз Исломийми?
Жамиятимиз Исломийми?
بِسْمِ اللهِ الرَّحْمٰنِ الرَّحِيم
Орамизда кўплаб инсонлар жамиятимизни исломий деб ҳисоблайди. Ҳатто баъзи уламолар ҳам шундай фикрдалар. Уларнинг назарида мусулмонларнинг кўплиги ва баъзи исломий амалларга рухсат берилгани шундай баҳо бериши учун етарлидир. Лекин мулоҳаза юритиб кўрилса, бундай ўлчов асосли эмаслиги маълум бўлади. Чунки бу ўлчовда жамиятни шакллантирувчи омиллар эътибордан четда қолаётганини кўриш мумкин. Яъни жамият фақатгина шахслардан эмас, балки инсонлар, фикрлар, туйғулар ва қонунлардан ташкил топади. Демак, жамиятга баҳо бериш учун бу омилларнинг барчасига бирдек эътибор қаратиш керак.
Келинг, бу ҳолатни нисбатлаш йўли орқали амалга оширайлик. Яъни бугунги жамиятимизни Росулуллоҳ с.а.в. замонидаги, саҳоба р.а. лар яшаган жамиятга нисбатлаб кўрайлик. Чунки бизларга асл йўлбошчи Росулуллоҳ с.а.в. ва асл ўрнак бўладиган инсонлар саҳобалардир. Ва биз мусулмонлар нима тўғри-ю, нима нотўғри эканлигини улардан ўрганамиз. Демак, жамиятимизни ҳам уларнинг жамиятларидек бўлиши тўғрилигига, ундай бўлмаслиги эса, нотўғрилигига далолат қилишини ҳам яхши тушунамиз.
Фикрлар жиҳатидан саҳобалар жамиятида исломий фикрлардан бошқа фикрларга ўрин бўлмаганлиги мусулмонларга маълум. Ҳатто Умар р.а. аҳли китобларнинг китобларидан бир бўлагини ўқиётганларида Росулуллоҳ с.а.в. дан қаттиқ дакки эшитганлари тўғрисида ҳадис ҳам бор. Бизнинг жамиятдачи, ҳаётимизда баъзи одамларнинг фақат исломий фикрлардан гапираётганини кўрсак, бошқаларнинг бидъат ё ғийбат ёки бойлигу мансабдан, янада ёмони ўз гуноҳини гапириб мақтанаётганини ёки фоизи кам бўлган янги кредит берилаётгани тўғрисидаги фикрлардан гапираётганига гувоҳ бўласиз.
Туйғулар. Саҳобаларнинг Росулуллоҳ с.а.в. севинган нарсадан севинганликлари ва у зот ғазабланган нарсадан ғазабланганлари тўғрисида жуда яхши биламиз. Ва бу нарсага шубҳамиз йўқ. Бугунги жамиятимизда ҳолат қандай? Яъни барча одамлар Росулуллоҳ с.а.в. севинган нарсалардан севиниб, ғазабланган нарсалардан ғазабланиб яшамоқдами?! Атрофингизга қараб бу саволларга жавоб топинг.
Росулуллоҳ с.а.в. орамизда мусулмонман дейдиган, лекин намозига бепарво, рамазонда рўза тутишга бепарво, маст қилувчи ичимликлар ичувчи, ҳатто зинони оддий ишдек қилувчи ва бирор мансаб учун ёки бирор ишини битириш учун ўқишга, ишга кириш учун пора берадиганлар борлигидан хурсанд бўлармидилар?!
Қонунлар жиҳатидан Росулуллоҳ с.а.в. Исломни татбиқ қилдилар, яъни Мадинада Ислом қонунлари татбиқ этилиши билан Исломий Давлат ва Исломий жамият барпо бўлди. Бизнинг жамиятда татбиқ бўлаётган қонунлар қандай қонунлар? Яхшиси, бу ёғи ўзингизга қолсин. Булар тўғрисида фикрлаш, мулоҳаза юритиш, жамиятимиз исломий эканми ёки йўқми, хулоса қилиш сизнинг ихтиёрингизда.
Ҳизб ут-Таҳрирнинг Ўзбекистондаги медиа офиси. Абдуллоҳ
23.06.2019й
