Жангарилар ва қуролли гуруҳларни ташкил этиш Америка томонидан Суданни парчалаш учун фойдаланиладиган ўта хавфли воситадир
Матбуот баёноти
Жангарилар ва қуролли гуруҳларни ташкил этиш Америка томонидан Суданни парчалаш учун фойдаланиладиган ўта хавфли воситадир
2024 йил 16 ноябрда «Жазира озодлик ҳаракати» дея номланган қуролли ҳаракат ўзининг Жазира вилоятини озод қилиш режа ва нияти борлигини билдирди. У, шунингдек, қуролли кучларни қўллаб-қувватлашини маълум қилди. Ижтимоий тармоқларда ҳамда баъзи армия тарафдори бўлган журналистлар томонидан тарқалган видеода ушбу ҳаракат жазираликларга мурожаат қилиб, улардан қўллаб-қувватлов ва мақсадларининг қабул қилинишини сўраган.
Ўз одатига кўра, армия бунга кўз юмди ва изоҳ беришни истамади! «Озодлик ва Адолат халқ фронти»нинг жанговар қаноти бўлган ҳамда 2020 йил Жуба тинчлик шартномасини имзолаган ва ўзини «Авриқа Шарқия» деб номлаган ҳаракат Судан шарқидаги Кассала вилоятига ўз кучларини жойлаштирганини эълон қилди. «Судан трибуна» веб-сайти хабарига кўра, ушбу кучларнинг бош қўмондони ёрдамчиси «бу қадамимиз Қуролли кучлар билан техник ва ҳарбий маслаҳатлашувдан сўнг амалга оширилди. Бизнинг кучлар энди Қуролли кучлар таркибига кирди», дея баёнот берган. Аввалда Кикел исмли кимса Тезкор қўллаб-қувватлаш кучларидан ажралиб чиқиб, армияга қўшилганини эълон қилган эди. Бироқ «Диръу Судан» деб номланган жангарилар байроғи остида жанг қиладиган бўлди.
Сиёсий, ҳарбий ва хавфсизлик нуқтаи назаридан энг асосий фактлардан бири қуйидагича: армиялар ва қуролли гуруҳларнинг кўпайиши давлатларни бўлиш ва уларнинг хавфсизлигини бузиш учун қўлланиладиган мустамлакачилик усулидир. Бунга Судан жанубини бўлинганлиги ва қолган вилоятларни ҳам бўлишга замин тайёрланаётганлиги яққол далилдир. Бу Американинг режаси бўлиб, ағдарилган президент Умар Башир 2017 йил ноябрда Россиянинг «Спутник» веб-сайти билан ўтказган суҳбатида «Жанубнинг бўлиниши Американинг босими ва фитнаси остида бўлди. Америка Суданни бешга парчалашга ҳаракат қиляпти», дея тан олган эди. Шубҳасиз, бу навбатдаги Сайкс-Пико режасининг бир қисми бўлиб, мусулмон юртларни ҳозиргидан ҳам кичикроқ бўлакларга бўлиш ва аллақачон бўлинган юртларни бутунлай йўқ қилишга қаратилган. Бу Бернард Льюиснинг «Қонли чегаралар» деб номланган лойиҳаси доирасида бўлмоқда. Бас, нима учун Судан армиясидаги холис инсонлар турли байроқлар остида бошқа кучлар бўлишига рози бўляптилар?! Нима учун ўша турли кучлар Судан армияси буйруғи ва бошқаруви остига кирмаяпти?! Анави Тезкор қўллаб-қувватлаш кучлари Судан қуролли кучларидан ажраб чиқиши юрт аҳли учун жуда қимматга тушганидан ва бунинг азоб-уқубатлари оғир бўлаётганидан нега армия қўмондонлиги сабоқ чиқармаяпти?!
Қуролли кучлар бирлиги Уммат бирлиги демакдир, унинг қўмондонлиги бирлиги ҳам худди шундай. Бу эътиборсизлик қилиб бўлмайдиган масаладир. Имом Муслим ривоят қилган Набий ﷺнинг
«إِذَا بُويِعَ لِخَلِيفَتَيْنِ، فَاقْتُلُوا الآخِرَ مِنْهُمَا»
«Икки халифага байъат қилиниб қолса, иккинчисини қатл қилинглар», деган ҳадисларига биноан Ислом бирликка чақиради, бўлинишни ҳаром қилади. Халифалик давлати конституцияси лойиҳасининг 66-моддасида бундай дейилган: «Қўшиннинг ҳаммаси яхлит бўлиб, махсус қароргоҳларга жойлаштирилади. Бу қароргоҳлар турли вилоятларга тарқатилиб, баъзилари стратегик минтақаларга жойлаштирилса, баъзи қароргоҳлар доимий кўчиб юрадиган тезкор бўлинмалардан иборат бўлиб, ҳужумкор кучлар ҳисобланади. Бу қароргоҳлар бир неча ҳарбий қисмлар шаклида тартиблаштирилади. Ҳар бир ҳарбий қисм қўшин номи билан аталиб, рақамланади, масалан, биринчи қўшин, учинчи қўшин ёки вилоят ё туман номи билан аталади».
Бугунги кунда содир бўлаётган воқеалар Американинг Суданни парчалаш бўйича жиноий режасининг иккинчи босқичидир. Ҳукмдорларнинг хиёнати ва мамлакат хавфсизлиги учун масъул муассасаларнинг эътиборсизлиги туфайли Жанубий Судан Судандан ажралиб чиқди. Шунинг учун биз Ҳизб ут-Таҳрир – Судан вилояти аъзолари ҳукмдорларни бундай режани амалга оширишдан огоҳлантирамиз ҳамда бу жиноятнинг жазоси бу дунёда шармандалик, охиратда эса аламли азоб бўлишини баён қиламиз. Шунингдек, қуролли кучлар сафидаги холис ҳарбийларимизни ўз аҳлини ҳаргиз алдамайдиган Ҳизб ут-Таҳрирга Пайғамбарлик минҳожи асосидаги рошид Халифаликни барпо этиши учун нусрат беришга даъват қиламиз. Халифалик Аллоҳнинг ҳукми ва шариатини татбиқ қилиб, Умматни бирлаштиради ҳамда бизнинг кучларимизга ҳукмрон бўлишга ва юртимиз бойликларига эга чиқишга ҳаракат қилаётган мустамлакачиларни илдизи билан қўпориб ташлайди. Росулуллоҳ ﷺ марҳамат қилганлар:
«مَنْ مَاتَ وَلَيْسَ فِي عُنُقِهِ بَيْعَةٌ، مَاتَ مِيتَةً جَاهِلِيَّةً»
«Ким бўйнида байъат бўлмаган ҳолда вафот этса, жоҳилият ўлимини топади». (Имом Муслим ривояти).
Иброҳим Усмон (Абу Халил)
Ҳизб ут-Таҳрирнинг Судан вилоятидаги расмий нотиғи
