بِسْمِ اللهِ الرَّحْمٰنِ الرَّحِيمِ

Америкага бўйсунган режим ҳеч қачон Фаластинни озод қилмайди

2025 йил 6 август куни вазирлар маҳкамаси йиғилишида Индонезия президенти Прабово Субианто Риау оролларидаги Галанг ороли Ғазо аҳлидан 2000 нафар яраланганларни даволаш учун тиббий марказга айлантириш мақсадида тайёрланаётганини маълум қилди. Эртаси куни Президентлик алоқа бошқармаси раҳбари Ҳасан Насибий «Президент кеча Индонезия учун уруш қурбони бўлган тахминан 2000 нафар ғазоликка тиббий ёрдам кўрсатиш ҳақида кўрсатма берди», дея баёнот берди.

Роя: Бу ишлар ташқи кўринишда Ғазо аҳлига ёрдам каби туюлса-да, аслида яҳудийларнинг истакларига мос келади. 2025 йил 7 август куни BBC сайти яҳудий оммавий ахборот воситаларига таяниб, яҳудий вужуди Ғазо аҳлини қабул қилишга тайёр беш давлат билан келишувга эришганини хабар қилди ва улар орасида Индонезия ҳам борлиги айтилди. Шунингдек, ўтган йил январь ойида АҚШ президенти Трамп Ғазо аҳлининг бир қисмини Индонезияга кўчиришни таклиф қилган эди. Шу боис, Ғазо аҳлини Индонезияга кўчириш амалда Ғазони бўшатиб, уни яҳудийларга топширишдир.

Бу ҳолат ҳам Америка қўллаган иқтисодий босим натижасида юзага келди. Трамп Индонезия экспортига 32 фоизлик бож жорий қилиб, уни савдо профицитига (даромаднинг харажатлардан ошиб кетиши) эга бўлгани ва БРИКС гуруҳига қўшилишга журъат этгани учун «ноқонуний устунликка эга бўлмоқда» дея айблади. 2025 йил май ойида музокаралар бошланди, аммо қатъий шарт қўйилди. Унга кўра, агар Индонезия божларни камайтиришни истаса, бозорини очиши ва Америка стратегик маҳсулотларини сотиб олиши шарт. Натижада, 2025 йил июн ойи ўрталарида Индонезия тахминан 10 миллиард долларлик 50 та Boeing самолётини харид қилишга, шунингдек, 15 миллиард долларлик суюлтирилган табиий газ ҳамда қайта тикланувчи энергия манбаларини импорт қилишга рози бўлди. Жами ҳисобда ўнлаб миллиард доллар Америкага оқиб кирди.

Индонезия режими ўзини Ғазо аҳлига ёрдам қилаётгандек кўрсатмоқда, аммо аслида у Ғазони яҳудий вужуди ва Америка ихтиёрига топшириш йўлида ҳаракат қилмоқда. Шундай экан, Америкага бўйсунувчи режимдан Фаластинни озод қилишини кутиш мумкинми?!

Роя газетасининг 2025 йил 27 август, чоршанба кунги 562-сонидан

+1

0

Related posts:

Фаластинда содир бўлган ишлар сизга ибрат ва насиҳат бўлсин Фаластин ва асирларнинг очлик эълон қилиши Фаластин Озодлик ташкилоти зараркунанда ташкилот бўлиб, уни тарқатиб юбориш лозим АҚШнинг Фаластин аҳлига ёрдам кўрсатиши уларни яхши кўргани учун эмас, балки ўзининг ва яҳудийларнинг манфаатига хизмат қилгани учундир!