بِسْمِ اللَّـهِ الرَّحْمَـٰنِ الرَّحِيمِ

Матбуот баёноти

Коррупцион система масъулларни ҳам коррупциячи қилади

Кенияда яна навбатдаги коррупцияга оид шармандалик фош этилди. Бу сафар соғлиқни сақлаш вазирлиги масъуллари 3 миллион Кения шилинги (300 миллион доллар)дан кўп маблағни ўзлаштириш борасида сўроқ қилинмоқда. Одатдагидек, тергов бўлиб ўтади, аммо бирорта масъул жазога тортилмаслиги аниқ. Бошқа жиҳатдан, ҳукмрон сиёсий элита, мухолафат билан биргаликда айни масалани ўйинга айлантиришди ва бир-бирларига маломат тошини отишди!

Айни хусусда Ҳизб ут-Таҳрир-Кения қуйидагиларни таъкидлайди:

Ўзини халқ ишларини бошқараётган қилиб кўрсатиб, гўё уларнинг манфаатларини ҳимоя қилишини даъво қилаётган бу режимнинг айни ишлари қабиҳ хиёнат ва зулм ҳисобланади. Улар фуқаро турмуш тарзини яхшилашга ҳаракат қилиш ўрнига, уларнинг маблағларини ўзлаштиришда бир-бирлари билан пойга ўйнашмоқда. Минг афсус, улар навбатдаги фирибгарликларини юз минглаб Кения аҳли қурғоқчилик сабабли очлик бўсағасига келиб қолган бир пайтда содир этишмоқда.

Коррупцияга қарши кураш ҳайъати – номини ўзгартирганига қарамай – бундай коррупция билан муносабатда бўлишда ва уни йўқ қилишда аянчли тарзда омадсизликка юз тутгани кундек маълум. Ноқонуний пул топиш ишларида айни ҳайъат масъулларининг ўзларининг ҳам қўллари борлиги эса, дард устига чипқон бўлмоқда. Мисол учун, жорий йилнинг сентябр ойи охирларида коррупцияга қарши кураш ва ахлоқ шўъбаси раиси Филипп Кинису «Эсаки» номли чекланган ширкат билан алоқа қилиши ортидан истеъфо берди. Чунки ширкат унга маблағ бергани, бу маблағни у Ёшлар Миллий ҳайъати билан шубҳа уйғотувчи пул муомалалари қилгани айтилади.

Кения ва бутун дунёдаги коррупцияга сабаб, коррупцион система бўлган капитализмни қабул қилишдир. Чунки бу коррупцион омадсиз система моддий қийматнигина билади, қолган қийматлардан бирортасини ҳам заррача қадрламайди. Бу эса айни системани қабул қилганларни бойлик ортидан халлослаб чопиб, уни нопок йўллар билан топадиган жиноятчиларга айлантирмоқда. Шу боис модомики, бу система бутун дунёда ҳукмрон экан, ноқонуний пул топиш мавжуд бўлиб тураверади.

Нима бўлганда ҳам, айни муаммонинг асл сабабчиси капиталистик системадир ва асл ечим ҳам шу системадан буткул халос бўлишга боғлиқ. Биз унинг ўрнига одил Ислом системасини барпо қилмоғимиз керак, чунки ушбу системада инсон амаллари фақат Аллоҳ Субҳанаҳу ва Таоло берган шаръий аҳкомлар билан ўлчанади, моддий манфаат билан эмас. Бинобарин, жамиятни бунга ўхшаш ёвуз иллатлардан сақламоғимиз лозим, чунки бу иллатлар Аллоҳ Субҳанаҳу ва Таолони дарғазаб қилади. Бундан ташқари, Ислом яхши амалларни қилиш ва барча ёмон амалларни – уларни қилувчиси бой бўладими ё камбағалми, ҳукмдор бўладими ё фуқароми, бундан қатъий назар – ман қилиш ишида бутун жамиятни иштирок этишга чақирган.

Ислом ҳукмдорга қўрқмай ёки юзхотирликка бормай ҳар қандай коррупциячини жавобгарликка тортишга, ишдан бўшатишга буюради. Зотан, Ислом ушбу аҳкомлар орқали Пайғамбарлик минҳожи асосидаги рошид Халифалик давлатида мужассамланади ва татбиқ этилади, ёлғиз шу давлатгина бундай ёвуз амалларнинг барчасини йўқ қилишга ва олам бўйлаб эзгулик улашишга қодирдир.

Шаъбон Муаллим

Ҳизб ут-Таҳрирнинг

Кениядаги матбуот бўлими вакили

Телефон: +254 737 606 667 – +254 717 606 667

Электрон почта: Этот адрес электронной почты защищен от спам-ботов. У вас должен быть включен JavaScript для просмотра." style="color: #000000;">abuhusna84@yahoo.com