بِسْمِ اللهِ الرَّحْمٰنِ الرَّحِيمِ

Матбуот баёноти

Қути ичидаги муросасозлик

Эй муросасозлар бизга ҳам, сизга ҳам баб-баробар бўлган бир сўзга келингиз

Муҳаммад Али таклиф қилган ҳужжат бандлари Миср аҳли ақидаси ва уларнинг Ислом сояси остида яшаш тўғрисидаги хоҳишларини менсимасликда олдинги конституциядан фарқ қилмайди. Унда очиқ матнлар билан давлатнинг илмонийлиги таъкидланган. Шунингдек у адолат, тенглик ва қонун устуворлиги ҳақида баландпарвоз сўзлар ҳамда маънолар билан тўла. Гўё Сисий ва Муборак бу каби шиорларни кўтармаган ва қонун устуворлиги ҳақида хиргойи қилмагандек. Демократия хомхаёл бўлишига қарамай, Муборак демократия билан ҳукм юритяпман деб айтар эди. Демократияда салтанат халққа берилмайди, балки унда капиталистлар ўзлари эга бўлган воситалар орқали жамоатчилик фикрини ўз манфаатларига хизмат қиладиган томонга бурадилар. Бу ҳолат нафақат юртларимизда, балки Европа ва Америкада ҳам мавжуд. Масалан, Америкада республикачи ёки демократлар танлаган номзодларгина ҳокимият учун беллашади. Бошқача айтганда қарор эгалари капиталистик низомнинг юзи бўлиши учун танлаган киши беллашади. Бу юртларимизга ўрнатилган демократия бўлиб, уни капиталистик иқтисодий низомгина ҳақиқий шаклда татбиқ қилади. Чунки бу низом йирик ширкатлар ва капиталистлар манфаатига хизмат қилади. Шунинг учун Мисрдаги бошқарув низоми демократик фуқаролик низомидир деб таъкидлаш биз ҳеч қачон доирадан чиқиб кетмаймиз, қутининг ташқарисида (белгиланган доирадан ташқарида) фикрламаймиз, ўз юртларимизнинг сизларга бўлган малайлигини сақлаймиз ва биздан олдингилар қилганидек сизларнинг манфаатингизни ҳимоя қиламиз деб йирик давлатларни хотиржам қилишдир. Ҳақиқат шуки, ушбу банд кейинги бандда келган нарсаларнинг барчасини девор ортига улоқтириб ташлайди. Чунки фуқаролик давлати ва капиталистик низомни ҳимоя қилиш касалликни сақлаб қолиш, юрт бойликларини Ғарб фойдасига талон-торож қилиш ва ушбу талон-торожни қонунийлаштириш демакдир. Модомики, демократик фуқаролик низоми мавжуд экан, ушбу низомни ижро қилувчилар қанча ўзгармасин, қадр-қиймат, адолат ва тенглик ҳақида сўз бўлиши мумкин эмас. Гарчи улар одамларга дастурхондан қолган ушоқларни бериб чалғитсаларда, демократия ўз қонунлари билан инсон ҳуқуқларини кафолатламайди. Чунки бу қонунлар юрт бойликларини талон-торож қилиш учун йўл очади ва уни қонунийлаштириб беради. Шунингдек улар юртни қарзлар билан кишанлайди, натижада юрт иқтисоди ва сиёсати Ғарб қарорларига боғланиб қолади.

Ким Мисрни қутқармоқчи бўлса, доиранинг ташқарисида фикрлаши, Ғарб қўйган қутидан чиқиши ҳамда ишларга Ғарб дунёқараши, ечимлари ва муолажаларидан бошқа бурчакдан қараши лозим. Чунки Муҳаммад Али ўз ҳужжатида суянган Ғарб муолажалари ва халқаро қонунлари юртларимиз учун чиқарилган эмас. Балки уларни муайян давлатлар ўз манфаатларини кафолатлаш учун чиқарган. Бу қонунлар ўша давлатларнинг манфаатига зид келиб қолган пайт уни ташлайдилар ва бунга мисоллар кўп.

Шунинг учун ким Миср учун чиндан яхшилик қилишни хоҳласа, ушбу капиталистик низомга қарши тура оладиган ва одамлар муаммоларининг тўғри ечимини бериш орқали унинг коррупциясига қарши курашадиган альтернатив ҳазорий лойиҳани излаши лозимдир. Ҳукуматдаги шахсларни қўпориб ташлаш муҳим бўлса-да, лекин бу иш режимни сиёсати, қуроллари, рамзлари ва сақофати билан бирга қўпориб ташлаш орқали бўлиши лозим. Шунингдек, унинг ўрнига ўз манбаси ва муолажаларида ҳақиқий бўлган, инсоннинг нафсу ҳавосига бўйсунмаган, уларни ажратмайдиган, балки ҳоким, маҳкум, камбағал ва бойга бир хил қарайдиган ҳамда диний, ирқий ва қабилавий жиҳатдан ажратмайдиган ҳақиқий низом қабул қилиниши лозим. Бундай низом фақат Исломнинг ҳазорий лойиҳасида мавжуд. Чунки у мусулмону ғайримусулмонга бирдек адолат, қадр-қиймат, тенглик ва эркинликни кафолатлаб берадиган ҳукмларга эга. Исломнинг ҳазорий лойиҳаси Пайғамбарлик минҳожи асосидаги рошид Халифалик давлатидир. Ҳизб ут-Таҳрир сизларни мана шу лойиҳа атрофида ҳамкорлик қилишга чақиради. Росулуллоҳ ﷺ Нажрон элчиларини мана шунга чақирган эди. Бизга ҳам, сизга ҳам баб баробар бўлган сўзга келингиз. Аллоҳ ва Росулига мурожаат қилайлик, ўртамизда шариат ҳакам бўлсин. Мисрга унинг аҳлига ва бутун Умматга қарайлик ҳамда унинг қандай бўлгани ва қандай бўлиши ҳақида ўйлайлик. Ишонч билан айтамизки, Мисрга Ислом, унинг низоми, шариати, ҳукмлари ва қонунларисиз яхшилик йўқ. Чунки Ислом қадимда Мисрни Римликлар зулмидан қутқарди, қадр-қиймат ва эркинлик берди ва Римликлар талон-торож қилган бойликларини қайтарди. Бугун Мисрни Ғарбнинг зулми ва капитализмидан ҳамда қарздорлигидан Исломдан бошқаси қутқара олмайди. Ҳизб ут-Таҳрир сизларни мана шу нарсада ҳамкорлик қилишга чақиради. Миср ва унинг аҳли учун фақат мана шунда яхшилик бор. Ундан бошқасида яхшилик йўқ ва бошқаси билан ҳамкорлик қилиб бўлмайди. Ундан юз ўгириш муваффақиятсизлик йўлига юриш, одамларнинг хоҳишига эргашиш ва ҳалокатлар олиб келган низомга ёпишиш ҳисобланади.

Муҳаммад Али ҳужжатини эълон қилар экан, бу ҳужжат Мисрдаги мухолафат сафларини ёки миллий кучларни бирлаштириш лойиҳаси остида бўлганини айтди. Унинг айтишича, у Мисрдаги барча сиёсий оқимлар ва фикрий йўналишлар билан учрашган. Шунингдек, у келишмовчиликлардан узоқ ва Мисрни қутқариш ҳамда унинг халқига эркинлик, қадр-қиймат ва адолатни қайтаришда ҳамкорликка асосланган муштарак ҳаракат нуқталарини пайдо қилиш учун барча билан бирга иш олиб борган. Шундан сўнг у Мисрни қутқаришни истаётганлар учун ўзи ҳамкорлик қилишга чақираётган ҳужжат бандларини эълон қилди. Лекин афсуски, ҳужжатдаги барча бандлар Ғарб дунёқарашига мос ва унинг мабдаси асосида ишланган. Ҳолбуки, бу мабда бир қанча замонлардан бери юртларимизда ҳукм юритмоқда ва унинг соясида турли азоб-уқубатлар ёғилди ва аянчли фожиаларни олиб келди. Сисий, Муборак ва бошқалар айнан мана шу низомнинг меваларидир. Инқирозни фақат Сисий шахсига чеклаш одамларни яна алдаш ва низомни ўзгартириш ўрнига башараларни ўзгартиришдир. Шунингдек, муаммо илмоний демократияда эмас, балки уни татбиқ қилаётганларда деб алдашдир. Ҳолбуки, касаллик барча фасод ва бузғунчиларга йўл очиб бераётган демократиянинг ўзидадир.

Огоҳ бўлайликки, Америка Мисрда нуфузга эга ва Миср аҳли Исломга муҳаббати баланд эканини билади. Шунингдек, у ҳукумат тепасидаги малайининг сиёсати туфайли пайдо бўладиган норозиликлар гоҳида қўзғолонга айланиб кетишидан ва бошқарувга Исломни татбиқ қиладиган ҳокимлар келиб қолишидан қўрқади. Шунинг учун у ҳодисаларни олдиндан билиб, кураш жиловини ўзгартиришга ҳаракат қилади. Шунингдек, курашни соф илмонийлик билан қориштиради ва ўшандагина ўз манфаатларига хотиржам бўлади. У яна аниқ биладики, агар низом унинг истагисиз ўзгарса, Миср Исломни татбиқ қиладиган давлатга ва Пайғамбарлик минҳожи асосидаги рошид Халифалик давлатининг марказий нуқтасига айланса, у Миср бойликларига эга бўлмай қолади. Шунинг учун улар нафақат Миср, балки барча исломий юртлар учун бўлган бойликларимизни талон-торож қилаётган қўлларни кесадиган ҳақиқий Ислом билан курашадилар.

Сўзимиз охирида шуни айтамизки, қарор чиқариш Кинона армиясидаги холис кишилар қўлидадир. Агар улар ўз Умматларини ёрдамсиз ташлаб қўйишдан ўзларини тийсалар, динига ёрдам берсалар ҳамда динидан балқиб чиққан, хусусан Миср ва унинг аҳли, умуман Уммат ва оламга яхшиликни кафолатловчи ҳазорий лойиҳага ёрдам берсалар мўътадилликни ўзгартиришга кучи етади. Дарҳақиқат, бутун олам капитализм олови ва унинг ваҳшийлигидан азоб чекди. Эй армиядаги холис кишилар, Пайғамбарлик минҳожи асосидаги рошид Халифалик давлатида Исломни татбиқ қилишга қодир бўлган биродарларингизга ансорлар каби ёрдам беринг. Халифалик ер юзида яна қайта адолат ўрнатади, кучларни тенглаштиради ва Ислом Умматини яна дунёга ҳукмрон қилади. Ана ўшанда бу Уммат аввалда адолат ва яхшиликни ёйганидек одамларни капитализм зулмидан халос этади. Сизлар Пайғамбаримиз ﷺ ва саҳобалари йўлидан юринг, шунда Аллоҳ Таоло биз ва сизларни дунё ва охиратда қадр-қийматимизни баланд қилади. Эй Аллоҳим нусратингни келажакда эмас яқин кунларда бергин.

﴿يَا أَيُّهَا الَّذِينَ آمَنُواْ اسْتَجِيبُواْ لِلّهِ وَلِلرَّسُولِ إِذَا دَعَاكُم لِمَا يُحْيِيكُمْ﴾

«Эй мўминлар, Аллоҳ ва Унинг пайғамбари сизларни абадий ҳаёт берадиган нарсага (яъни, динга) даъват қилар экан, уни қабул қилинглар»         [Анфол 24]

Ҳизб ут-Таҳрирнинг Мисрдаги

матбуот бўлими